ساعات كده ربنا بيحطنا في إبتلاءات علشان يختبر صبرنا وقوة إيماننا، ممكن منفهمش الابتلاء في وقتها ونقول ليه يارب حصل كل ده، او تقول ليه أنا بالذات، بس بعد فترة بنكتشف حكمة ربنا ف كل اللي حصل وبنعرف ان اللي حصل ده كان خير بس إحنا مش شايفين كويس، ده لأننا بشر معندناش الصبر إننا نستني ونشوف آخر اللي بيحصلنا ايه
عارفين لو ربنا إدانا حرية الإختيار والعلم بالمستقبل كنا هنختار نفس القدر اللي ربنا كتبه " لو علمتم الغيب لأخترتم الواقع " وأقدار ربنا كلها خير، كل اللي بيحصلنا في حياتنا بيخلينا أقوي بيعلمنا الصبر والثقة، وأنا عندي يقين إن بالرغم من أي حاجه حصلت ربنا عنده حاجه أحلي هتعوضنا عن أي حاجه وحشة حصلت، واثقة ومتأكده من عوض ربنا ومتأكده إنه هيراضينا، محتاجين بس شوية صبر وثقة في حكمة ربنا 💜💜
الاشتراك في:
تعليقات الرسالة
(
Atom
)
التعليقات على الموضوع