" المفروض إنك تفضل من غير ما أكون مضطره أقولك خليك , تكون معايا من غير ما أبذل مجهود ,حتى لو غلط أنا محتاجه اشوف نفسى مقبولة رغم غلطى , محتاجه لو حطيت أسوار بينا تكسرها معايا محتاجه أشوف إن مفيش حاجه ممكن تخليك تبعد , محتاجه أمان مفتقداه معاك من زمان , لو لمجرد الغلط هنبعد يبقى فين العلاقه اللى بيننا, لو كل حاجه سهله كده يبقا فين المميز اللى اخترتنى عشانه, لو مش ماسك فيا يبقى ازاى كان فيه حب .. انا بضعف و بغلط.. بغلط لانى انسانه، لأن دى طبيعتنا البشريه اننا نغلط بس انا لما اضعف المفروض اخد قوتى منك و لما اغلط و اشوف نفسى وحشه المفروض انت اللى تقولى انى مش كده
الحب مش ذل ولا طاقه هنخلصها عشان نحاول نقنع بعض نكون سوا .. كان نفسى تكون هنا من غير ما اترجاك .. تكون هنا عشان انت عايز تكون ..
انا مش عايزه شخص يحاربنى .. انا عايزاك تحارب معايا.
الاشتراك في:
تعليقات الرسالة
(
Atom
)
التعليقات على الموضوع