بوستات مكتوبه
لو بتحب إبنك وبنتك وعايز تربيهم بما يرضي الله ، متعرفوش سكة السوشيال ميديا والتطور المرئي والمسموع غير لما تشكل تفكيره وتأسسه صح وتحس انه عقل ، متسبش بتوع الميمز والضحك المميت يفهموه إن العقل والثقافة إنه يفهم الميمز ويعرف يكتب بوست رايق ويعرف يعلق بنات ويشير تريقه علي الاديان
إحنا في زمن الفتن ، بنصحي الصبح نروح الشغل ولحد ما نرجع عايشين في حالة من الصراع مع النفس ضد المعصية ، ولما نرجع نمسك الموبايل فتن أشد ، إبنك ولا بنتك لما يبقي عنده ١٥ و ١٦ سنة وتسيبه يتفرج علي التريقة علي الأديان والسف علي الرسل والأحاديث تبقي ترند زي مر أعرابي المنتشر حالياً يبقي لازم أبنك يكبر وهو مش مقدر قيمة ومدي عظمة الدين وقدسيته
سيدنا النبي قال لاصحابه في حديث فيما معناه إنه هيجي زمن أجر المسلم بخمسين منكم ، الأجر اللي بتعمله في الزمن الغريب العجيب دا بخمسين أجر عن المسلمين أيام النبي لاننا فعلاً بنكافح ضد المعصية ليل نهار
السوشيال ميديا والتطور اللي وصل للبيوت سم أخطر من السم اللي بيتحط في الأكل .. حافظوا علي عيالكم
التعليقات على الموضوع