قصة ❤الرمز الشيطاني 👹الجزء التاني👿

#الرمز_الشيطاني_2
فلاش باك سريع كدا ....
وفجاة ظهر قدامى واحد طويل جداً ملامح وشه غريبة جداً ملوش عيون أكن حد خلعهم من مكانهم .. رجعت ورا فى الحقيقه خطوتين
رعب و خوف من المنظر دا .. عشان اخبط في حاجه وانا برجع .. معرفش هي ايه .. !! خايف جداً الف وشى اشوف دا ايه .. حراره غير عادية ورايا ودا اللى زاد خوفى اكتر مرعوب جداً وقلبي هيقف من كتر الرعب .. لكن استجمعت قوتي ولفيت وشي عشان الاقي نفس الكائن الغريب اللى شوفته واقف ورايا فى المرايا بيرفع ايده وحطها في عيوني وشدها وخلعها من مكانها ..... عيونيييييييييييييييييييي .... !!!

التكمله ...
الصرخه دي كانت كفيلة انها تخرجني من الحلم المرعب جداً دا ... والاقي أمي بتفتح نور الاوضة وتجرى عليه وبتقولي ..
- مالك ياعلاء يابني فى ايه ... ؟
- متخفيش يا ماما دا كان كابوس
- طب اهدى يابني .. اي اللى منيمك بالنظارة يا علاء
فعلاً انا كنت نايم بالنظارة خلعت النظارة عشان القي أمى بفزع وخوف بتقولى 
- ايه دا عيونك ورمه ليه كدا انت اتخنقت مع حد ولا ايه يا علاء ...!!!؟
- ورمه ازاى يا امى
حطيت ايدي على عيوني عشان أتأكد من كلام أمى
و الاقي ان فعلاً عيوني ورمه خالص
- انت اتخنقت مع مين يا علاء يابني و مدارى عيونك بنظارة
- والله يا أمى ماتخانقت مع حد
- ماشى يا علاء براحتك ...
سبتنى فى رعب وخوف من اللى بيحصلي دا .. وحمدت ربنا انى أمى مزعقتش ولا عملت مشكلة ..
مش عارف شكلي دلوقتى عامل ازاى وخايف ابص فى المرايا
ليحصلي حاجه تانية ...

قعدت أفكر فى اللى بيحصلي دا وايه السبب ولكن مش عارف ...؟ دماغي هتنفجر من كتر التفكير

اخذت النظارة ونزلت الشارع و روحت مكان معزول نوعاً ما ... و ولعت فى النظارة وسبتها ومشيت ....
رجعت البيت ودخلت اوضتي عشان الاقي النظارة مستنيني على المكتب بتاعي لااااااا حرام كدا بقا هو في ايه .. ؟؟
انتى حكايتك ايه و عاوزه مني ايه بقيت عامل زى المجنون مش عارف اعمل ايه مسكتها وقعدت ارزعها فى الأرض لكن مش بتكسر .. ايه النظارة الملعونه دي ..........!!!!!!!!!!
انا هتجنن خلاص ...
قطع تفكيري صوت أمي وهى بتنده عليا وبتقولى جهز نفسك عشان نروح لدكتور يشوف عيونك دي ..

جهزت  نفسي ورحت مع أمي عند الدكتور كشف علياِ وكان كلام الدكتور كالأتي ...
انا أول مرة اصادف حالة زى دي معنديش سبب علمي اذكره
بس هديك علاج يهدي الموضوع دا شوية ...

خرجت من عند الدكتور وانا مستغرب جداً من كلاموا واللى مستغرب أكتر أمى بعد ما اتاكدت ان دا مكنش خناقة مع حد
عشان كدا سألتنى ...

والصراحه .. كنت صريح معها وحكتلها الموضوع من أوله كله الغريبة إنها مصدقني ومقتنعه بكلامي .. عشان كدا قالتي جهز نفسك عشان هنروح مشوار بليل ..
روحنا وبعد حوالى ساعتين قالتي يلااا .
- علي فين يا أمي
- هتعرف لما نوصل بس هات النظارة اللى انت بتقول عليها معاك
- حاضر
خرجنا ورحنا مكان نوعاً ما معزول عن الناس بيت مكون من طابق واحد البيت شيك جداً ودا لفت نظري جداً اكيد فى شخصية مهم موجودة فى البيت دا ... من منظر البيت نفسُه
دخلنا عشان نلاقي واحده فى استقبلنا بمنتهي الأدب والذوق ولا اكنك فى فندق خمس نجوم

كان موجود لافته كدا متعلقة على الحائط مكتوب عليها
د : عمرو أيمن المعالج الروحاني ...
أكيد دجال لكن دجال شيك أوى
استنيت دوري فى الدخول .. لحد ما دخلت .. عشان أشوف
شخص عادى جداً مش باين عليه ملامح الدجالين كان قاعد على مكتب زى ميكون دكتور وبكشف عنده ..

قعدنا وبدات أمى فى الكلام .. وبعده بدات أنا احكي لي بتفاصيل  كل حاجه حصلتي .. عشان يبدأ يتكلم ويقول .....
- ممكن تورني النظارة دى
- اتفضل يادكتور أهي
عشر دقائق باصص للنظارة ومبحلق فيها لحد ما بدا يتمتم بكلام بس بلغه غريبة ومش مفهومه .. لحد لما فجأة النظارة نورت للحظه وإنطفت تانى .. وبدا يتكلم
- زي ما توقعت النظارة دي منقوش علية الرمز الشيطاني تعالى حضرتك بص كدا ..
قربت منه وبصيت على المنطقه اللى شاور عليها فى النظارة فعلاً كان فيها رمز غريب أول مره اشوفه كان منور نور خفيف بيسهل عليك تشوف تفاصيل الرمز كان عباره عن نفس الشخص اللى شوفته فى الحلم  ايه دا ؟  يعنى الشخص اللى انا بشوفه دا حقيقي .
" فلاش باك "
وفجاة ظهر قدامى واحد طويل جداً ملامح وشه غريبة جداً ملوش عيوني أكن حد خلعهم من مكانهم ..

قولتة : طيب والرمز دا اي علاقتة باللى أنا فية
- الرمز دا اسمه " الرمز الشيطان " ولو اتنقش على اي حاجة بتبقا لعنة لصاحب الحاجه دي .. الرمز دا كان بيترسم أيام زمان على كنوز الفراعنة عشان تحميها من السرقة عشان لو حد فكر يسرقها يكون مصيره لعنة ملهاش بداية ولا نهاية  ومش هتفرقه ابداً وبيدا يحصل لصاحبها حاجات غريبة ومرعبة زى اللى أنت حكيتها ليا كدا بضبط ... لقيت أمى بتتكلم وبتقول
- طب والعمل يا دكتور
- هتسيبوا النظارة وهتمشوا عادى وانا هحاول ابطلِ مفعول النظارة بتغير شكل الرمز ..
- طيب يعنى انا كدا معتش هيحصلي حاجة يا دكتور
- مقدرش اوعدك بحاجه لغاية لما أشوف اللى انا هعملوا هينفع ولا لا ... وتقدرو تتفضلوا أنتم دلوقتى .. وتجي بعد تلات أيام ..
روحنا وانا مش مطمن من كلموا وصلت البيت ودخلت نمت

حلم دا ولا حقيقية ... ؟! ...

أنا موجود دلوقتى فى مكتب الدكتور الروحاني اللى كنت عنده كان قعد على المكتب بتاعه .. وماسك النظارة و كان ماسك حاجه عامله زى المفك كدا و بيخربش فى النظارة ..
لقيت فجأة ظهر نفس الشخص اللى كان مرسوم واللى شوفته فى الحلم كان واقف ورا بعيونه الممسوحه وصرخ صرخه قوية جداً هزت المكان كله فزع ورعب وخوف .....
واشتعلت النيران فى المكان كله .. كل دا وانا واقف بتفرج ومش قادر اتحرك لاصق فى الأرض ومش عارف اتحرك  والدكتور الروحاني كان بيصرخ بشده والنار كانت بتأكل فى جسمه .. ولقيت الشخص الغريب دا بيبص ليا بغرابة شدة ولقيتوه بيتكلم وبيشاور بصبعوا علية وبيقول
....................... " عليك اللعنة الأبدية " ...........................

وصرخة قوية جداً جداً من الكائن دا كانت كافيلة انها تخرجني من الكابوس دا .. كابوس مرعب أوى  قومت من على السرير غسلت وشي و لبست هدومي وخرجت عشان أروح الكلية ركبت العربية عشان اقعد جنب واحد كان ماسك في إيده جرنان مكنتش مركزِ معه لحد لما عنيه وقعت على خبر خلني اتفزع من مكان لا مستحيل مش ممكن دا اااااا ؟  ...
- هو ايه اللى مستحيل يابني
- ممكن الجرنان ثوانى يا حاج
- اتفضل يبني

الخبر
تم العثور على جثه الدكتور : عمرو أيمن المدعي انها معالج روحاني فى مكتبُه اثره حريق قوي التهما المكان كله .. واكد الخبر ان الجثه تفحمت بلكامل ومع وجود بعض ملامح الرعب والفزع على وجه الجثه .. والشرطه الأن تبحث عن سبب حدوث الحريق .... اي دا الحلم مكنش حلم طلع حقيقية لااااااا مستحيل .....

- وقفنى هنا ياسطا ...

نزلت من العربية و جريت بسرعة على البيت كانت المسافة مش كبيرة وصلت و طلعت البيت ودخلت أوضتي عشان القي النظارة مستنيني على مكتبي .....

....................... " عليك اللعنة الأبدية " ...........................

                                    تمت  
بكدا تكون انتهت قصه " الرمز الشيطاني " ومالهاش تكملة
انا اعتمدت فى القصه على النهاية الصلدمة بدلاً من النهايات الروتنية العادية ...  يهمني اعرف  رأيكم فى القصه ...
إحذر " الرمز الشيطاني " فهو لعنة
" .. المرعب : احمد مجدى
#الرمز_الشيطاني