قصة المستوصف🙄الجزء الثاني👉
« المستوصف 2 »
- رحلة إلى الموت ! -
حسيت بأعصابي بتشد في جسمي كله .. بعد ما حقني بالدم بتاع الفار ده !!
جسمي بدء يتهبد ، يرتفع ويهبط بسرعة رهيبة !! .. حسيت بألم رهيب في دماغي ! .. سامع اصوات متداخلة في راسي ! .. شايف الدكاترة دول بيجروا في كل مكان في الاوضة .. ماسكين حاجة زي اجهزة التنفس ديه وحاطوها على بُقي .. مش قادر اخد نفسّي .. شايف الدم بيخرج من بُقي ، ستار اسود جه على عيني مبقتش شايف حاجة .. حاسس بكهرباء جت فجأة وهجمتني في جسمي كله !!
مبقتش حاسس بحاجة .. مش عارف انا فقدت الوعي ولا مُت ؟ سامع اصوات بتتردد في دماغي ..
" قاتلين "
" هتموت "
" اعضاء بشرية ! "
" مستحيل يكون حي ! "
" خلص بسرعة يا حامد !!! "
" ايه الكائن ده ! "
" رامي ! ، خليك معايا يا رامي ! "
اصوات متداخلة كتير اوي .. حاسس بنار بتكويني ..
فتحت عيني وشهقت !!
جسمي كله غرقان دم !! .. الغرفة قدامي متكركبة ، والترابيزات واقعة والورق متنطور في كل مكان .. وجثة بني آدم واقعة قدامي ومغرقة الارض دم !!
الاضواء بتفتح وتتقفل .. ربحة وحشة اوي في المكان !
قمت من على السرير ، مكُنتش مُكبل ، اتحركت لباب الاوضة وفتحته
ممر ضيق وحواليا كراتين كتير ونور لونه أحمر منور الممر ده ..
حاسس بتُقل وصداع رهيب في دماغي .. وانا ماشي دوست على مُسمار اقتحم رجلي وخرج من الناحية التانية !! .. الغريبة انب محستش بألم .. بكل برود مديت ايدي وشلتوا ، خرجت نافورة دم لكني زي ما قُلت مش حاسس بأي آلم
مشيت لحد ما وصلت لباب الخروج .. مديت ايدي لركالون وفتحتوه ، مرديش يفتح !!
خبط جامد عليه .. وندهت ان حد يساعدني لكن لا حياة لمن تنادي ..
لمحت باب على الشمال داخل لجوا اوي مش اي حد يشوفه غير الي عارف مكانه
فكرته باب خروج ، ففتحتوه ودخلت !! وكانت المفاجأة
اوضة ضيقة .. فيها شاشة وكرسي قدامها وقاعد عليه حد .. قربت منه وهجمت عليه عشان اخنقوا .. مقاومش ولا اي حاجة فبصتلوا لقيت سكينة مزروعة في صدره ..
سبته ورحعت لورا .. ظهر على الشاشة المقفولة فجأة شخص .. انا فاكره ، جه نفس الراجل العجوز الي شفتوه في الاول خالص .. اتكلم الراجل ده :
- ازيك يا رامي .. انا اسف على الي حصلك ده ، هقولك الحكاية من البداية .. من شهرين جابك والدك المستوصف عندنا وقال انك تعبان جداً وبتخترف بالكلام على طول .. المهم كشفت عليك انا والدكتور سيد واكتشفنا ان ممسوس او حاجة زي كدا .. المهم انا مرديتش اوديك لشيخ او دجال .. وكنت عايز اخرج الي عليك بالكهرباء !!
اديتك مورفين .. وعملت اول جلسة .. زودك بكمية كهرباء في جسمك .. وشوف حصلك ايه .
اختفى من على الشاشة وظهرت انا !!
نايم على السرير وهو قدامي .. ماسك حاجة زي الي بينعشوا بيها الميت بالكهرباء .. وداس على زُرار فيها .. ودبها في صدري جامد .. فأنتفض جسمي مرة واحدة .. وحاجة زي خيال خرج من جسمي ودخل تاني !!
عنل نفس الي عملوا تاني والمر ديه خرج الخيال ده من جسمي كله !
الخيال جه كّون نفسه وبقى بني آدم عادي .. بس مسخ !
رمى الدكتور الي في ايده وهجم على الكائن ده ..،وفي ثانية كان الكائن ده قتلوا .. هجم حد من وراه فتفاداه الكائن ده .. وزقوا فأتخبط في الترابيزة .. اتنقل المشهد لمشهد الغرفة الي كنت فيها والكائن ده بيخيط في كل حاجة وبيكركب كل حاجة .. شفت الدكتور الي اتخبط في الترابيزة ده بيفتح الباب وبيجري !!
والكائن بيجري وراه !!
ظهر الدكتور تاني على الشاشة ، وصوت صراخ في الخلفية :
- أنا اسف يا رامي على كل الي حصل ، انا مكنش قصدي .. انا هموت دلوقتي .. كل الي عايز اقولهولك انك تهرب قبل ما الجن ده يلبسك تاني !!
فجأة هجم الكائن ده عليه .. وكان ماسك سكينة دبها في صدره .. وبصلي من الشاشة !
ملامحه مخيفة !! .. ملهوش عين ..بدل مناخيره فيه فاتحتين .. بُقه متخيط !!
اتقفلت الشاشة ..
حاسس بنفّس ورايا .. حاسس بحرارة ورايا .. التفت .. شفتوه !!
رغم بُقه المتخيط حسيت انه بيبتسم بسخرية .. هجم عليا بقوة ، مقدرتش اقاوم .. حسه بيخترق جسمي .. مبقتش قادر اتحمل كل ده .. غمضت عنيا واستسلمت ليه ..
مش عارف انا فقدت الوعي ولا لأ ..
ساعات ببقى فايق .. وساعات لأ
انا رجعت لبيتي وكل حاجة بقت طبيعية .. الا اني مبتحكمش في جسمي ولا تصرفاتي .. انا بعدت عن ربنا
والدكتور ده بدل ما يساعدني .. خربلي حياتي اكتر .. انا بكتب القصة ديه لما بقدر اتحكم في جسمي .. بحاول اقول لأبويا انه يوديني لشيخ لكني لما بفكر اصلاً بحس ان في نار بتكوي جسمي .. انا محتاج حد يساعدني .. محتاجكم تدعولي ان ربنا يعالجني من الي انا فيه !
--
تمت بحمدالله ..
اتمنى تعجبكم ..
التعليقات على الموضوع