بوستات مكتوبه

-القهوة يا أستاذة
=شكرا
-دي تالت كوباية قهوة أجبهالك، ومابتشربيهاش!
=علشان أنا مابحبش القهوة
-أومال بتطلبيها ليه لامؤاخذة؟
=علشان...، أنت مالك اصلا!؟
-أنا آه شغال هنا في الكافيه، لكن انا زميلك فـ الجامعة، يمكن إنتي مش بتاخدي بالك مني، بس أنا باخد بالي.. بالي كويس.
=ومركز معايا كده ليه؟
-أصلك غريبة، كل يوم على نفس الحال ده، بعد كل سيكشن يتمشي لوحدك، و ريأكشنات وشك تقعد تتغير،"تضحك.. تندهش.. تبكي"، لولا الهاند فري بتاعك، كان زمانك لاحظتي كم المشاكل اللي بعملها كل يوم، لما حد يعاكسك بسبب تصرفاتك، وبليل باجي هنا لشغلي، وألقاكي.. فا حبيت الشغل.
=أنا عارفة كل ده.
-إيه!!؟
_عارفة كل ده والله، ومابكونش مطمنة، إلا لما ألمحك ماشي على اليامة التانية من الطريق ورايا.
-طب معلش أسف..
=أسف على أيه؟
-إني بمشي وراكي
=طب بوص هقولك عـ حاجه، خلينا ف موضوعنا
-بس هو مكانش في موضوع بينا اساسا
=لأ فيه، مش أنت سألتني عن سبب الكوبيات الكتيرة من القهوة اللي بطلبها، ومش بشربها، وإني مابحبهاش!
-آه
=أنا كنت بطلب القهوة دي كل شوية، علشان أشوفك.. أنا مابحبش القهوة.. أنا
بحبك أنت.

Mahmoud Mesilhy