"كان نفسي بس في حد يحس باللي فيا..!"
الجملة دي كنت برددها جوايا كتير من صغري و كان نفسي تتحقق بس مع الوقت و لما كبرت اكتشفت إن مستحيل حد هيحس بيا غير ربنا..!
مهما كانت درجة حب الشخص اللي قدامي دي مستحيل هيفهمني زي ما أنا عاوزة،
فكرت كتير في الموضوع ده لإني قبل كده قرأت مقولة و هي (لن يشعر بك ولن يفهمك إﻻ اثنان على هذه الارض.. أحدهم مر في حالتك وعاش ما تمر به الآن.. والآخر يحبك جدًا)
من يوم ما قرأتها لوقت قريب كنت بآمن بيها بس اكتشفت إن فعلًا مفيش حد هيحس بكل اللي في قلبي....و دي حاجة حسيت إن ربنا بيخص و بيميز نفسه بيها علشان نعرف إنه هو اللي خالقنا فإحنا منه و ليه و بس!
قلبنا مايستاهلش إن إحنا نشيله فوق طاقته لما محدش يفهمنا..مايستاهلش يتعب بسبب جهلنا بالأمر ده!
رغم إنه متعب جدًا إنك تحس بوحدتك بس عيش فيها أفضل من إنك تتعشم كتير و ماتلاقيش اللي في نفسك و اللي بتدور عليه..!
ريهام يحيى
التعليقات على الموضوع