للناس اللى بتذاكر ليلة الإمتحان وقت ما كل اللى حواليها بيراجعوا للمرة الرابعة و لسه بيضحكوا و يهزروا عادى.
الناس اللى مواعيدها مش بالمللى ..
الناس اللى بتعيط فجأه و اما تسألها مالك؟ تقوللك مفيش، لأنها مش هتحكيلك.
و اللى بيضحكوا بصوت عالى و وشهم بيطبق و بيبقى شكلهم غريب
اللى بيكتبوا اللى عايزين يكتبوه من غير ما يفكروا الناس هتقول إيه
اللى عارفين ان شكلهم ممكن ميكونش حلو بس بيحبوا يتصوروا كتير، مبيستخبوش.
اللى بيعرفوا يرسموا ف أى وقت حتى لو شغبطة..
اللى ممكن يفوتوا حاجة مهمه عليهم لمجرد إن ملهمش مزاج ينزلوا م البيت النهارده
اللى مبيفضلوش غير مع ناس مرتاحين معاهم ، مبيوجبوش ف العلاقات أبدا
اللى ليهم شكل معين ف لبسهم يشبه طريقة كلامهم
الناس اللى مش منظمة المدهولة التايهه ف نفسها
اللى مبيركزوش مع الناس ، اللى مبيركزوش أصلا.
الناس اللى عمرها م عرفت تنتمى ل أى مكان تتحط فيه
الناس اللى بتكره القوالب ..
..انتوا حلوين .. متتغيروش.. متتأقلموش.
الاشتراك في:
تعليقات الرسالة
(
Atom
)
التعليقات على الموضوع