بوستات مكتوبه
أنا قولت أكلمك جيت علي بالي النهاردة
فقولت مش أشكال لو أعرف أخبارك إيه
أنا عارفة أننا المفروض منتكلمش
وعارفة إن مكالمتي دلوقتي ممكن تضايقك
بس أنا مستغربة إزاي الموضوع خلص كدة ومبقناش نعرف حاجة عن بعض
غريبة إني مبقتش عارفة يومك بقي يمشي إزاي كل واحد ليه حياته وفي دنيا بعيدة عن التاني
وسكك صعب قوي تتلاقي صعب قوي تتلاقي زي الأول بالذات في دنيا بتجري بالشكل ده
مش عارفة أنا بقولك الكلام ده ليه يمكن لو الواحد مقالش الي في مخة يتجن أو ممكن يصحي يلاقي نفسه في عالم تاني زي ما حصل معانا كدة غريبة اد إيه بنتغير رغم ان مفيش حاجة بتتغير
أنا مش عارفة أمتي هقدر أكلمك تاني
مش عارفة أن كنت هكلمك تاني من أساسه
ومش عارفة أمتي ممكن نتخبط تاني صدفة فقولت أسبلك رسالة زي دي
رسالة عبيطة وملهاش آي معني
مش عارفة أنت هتقول إيه لما تسمع الرسالة
مش عارفة أنا بقول إيه من أصله
بس يمكن حبيت أتكلم معاك زي الاول
بس اضمن إنك مش موجود
عموما نفسي الأمور عندك تتحسن
نفسي اقولك متزعلش
*هند صبري في فيلم هليوبليس *
التعليقات على الموضوع