تسمحيلي ؟!
تسمحيلي أبقى ابنِك
و أبقى أبِّك و أبقى ضلِك
تسمحيلي في عز ضعفِك
أبقى آخر شئ فاضلِك
تسمحيلي أكون سفينتِك
و أبقى وسط البحر قشة
و أبقى جمبك كتف ساند
لما تبقي وحيدة هشة
و أبقى نبع بيسقي وردِك
و أبقى حضن كبير يساع
و أبقى هزلِك و أبقى جَدِك
و أبقى حب بدون وداع
تسمحيلي تكوني ليا
تبقي ليا لوحدي بس
و أما حد يحس بيا
تبقي أول حد حس ؟
تسمحيلي تكوني روحي
لما روحي تكون مفيش
تسمحيلي أموت في حُبِك
يمكن أصحى بيه و أعيش
تسمعيني وقت ما أحكي
في أي شئ ميخصكيش
حتى لو كان مش مهم ؟
تسمحيلي تكوني مصلي
لما تبقى الدنيا سم -
- يعني تبقي زي أمي
في الحنان / و تكون بنتي
و أما كل الكون يسيبني
تبقي من دونهم مدينتي
و أما أقول وحشاني هي
يبقوا عارفين إنها انتِ
تسمحيلي تكوني جمبي
لو جميع الناس تغيب
تمسكي في إيديا جدًا
لما كل إيدين تسيب
تسمحيلي أقول حبيبتي
تقبليني أكون حبيب ؟
وابقي وقت الشدة خانة
تسكنيها لما الناس تغيب
تقبليني اكون حبيب؟
الاشتراك في:
تعليقات الرسالة
(
Atom
)
التعليقات على الموضوع