إنتهاء العلاقات فجأة وبدون وجود مجال للتبرير عُمره ماكان سببه مشكله كبيره حصلت سببت ده .. أي علاقه مبنيه علي حب حقيقي من الطرفين مُعرضه للإنتهاء قُدام سبب واحد بس والسبب ده عُمره ماكان مشكله .. المشكله مهما كان حجمها وسببها والنتايج اللي اترتبت عليها هيكون ليها حل وعمرها ماهتكون سبب لإنهاء علاقه لطيفه الحب فيها متبادل بين الطرفين ..
ايوه بس في علاقات كتير جدًا انتهت بسبب مشكله؟ لا .. العلاقات الكتير جدًا دي المشكله اللي كانت سبب في تدميرها سواء كانت مشكله كبيره او صغيره دي ماكانتش عباره عن مشكله لا .. الموضوع عامل زي الكوبايه اللي بتملاها مايه او شويه بيبسي تشربهم .. معاك مساحه تفضل تملاها لحد ماتتملي علي اخرها وبعدين ممكن تشربها وتملاها تاني .. الكوبايه دي هي طاقة الانسان مننا والمشكله الصغيره اللي بتهد علاقه كبيره من زمن طويل هي شوية البيبسي اللي ممكن تصبهم ف الكوبايه بعد ماتملت علي اخرها .. خلاص مابقاش مكان فبتفيض!
التراكمات .. الامور الصغيره اللي ماكانتش بتتاخد في
الحُسبان واللي عمرها ماكانت هتبقي سبب ينهي علاقه لو اتعاملنا معاها بمفردها هي اللي ممكن تنهي اي علاقه ف الدنيا .. اي انسان ف الدنيا له طاقه وبتستنفذ .. بتستنفذ في قلة تقدير وعدم اهتمام وغيره وغيره لحد ماتيجي اتفه مشكله ف الكون وتبقي النقطه الحاسمه وتنهي العلاقه مهما كانوا الطرفين بيحبوا بعض وتصبح العلاقه انتهت بدون اسباب ف نظرك لكن ف الحقيقه هي انتهت بسبب كثرة الاسباب وزيادتها عن حدها ..
من الكتابات المميزه جدًا بالنسبالي واللي بتحمل معني كبيره مُختصر في كلمتين بوست بيقول "التراكُمات قد تجعل الشخص يقسو رغم لينَ قلبه ويُكابر رغم شدّة حُبه".
Copy
التعليقات على الموضوع