محدش هيفهم حزنك، محدش هيفهم إنت مريت بأيه ولا وصلت لأيه، كل الناس هتشوفك كئيب وحزين، محدش هيعرف كل اللي وصلك للحالة دي، وكأنك حابب تعيش الحزن وتعيش الحالة، محدش شايف حروبك مع نفسك ولا محاولاتك إنك تبقي كويس، الكل هيجلدك فهتضطر تضحك عليهم وتمثل إنك كويس، شوية وهتبدأ تضحك علي نفسك، تستخبي ورا ضحكات عالية مزيفة وتقول لكل الناس أنا أهو كويس أنا مش كئيب ولا حزين، أنا بخير وترسم الإبتسامة وتسكت، حيطان أوضتك الاربعة أكتر ناس عارفينك وحاسين بيك وشاهدين علي حروبك، شاهدين علي لياليك الحزينة، شاهدين علي الخذلان وعلي الفقد، شاهدين علي محاولاتك تبقي عكس ما انت حاسس، شاهدين علي محاولاتك تخرج من ظلامك اللي غرقت فيه ومش عارف تخرج منه، وكل إيد بتتمد ليك عشان تساعدك كانت في الاصل بتحاول تغرقك أكتر وأكتر، هتكتشف إن حيطان أوضتك هما الامان وبس، اول ما تطلع براهم إنت معرض لكل أنواع الخذلان والكذب والقرف، وهتفضل الناس شايفاك من بره وهتفضل شايفة إبتسامتك وهتفضل تلومك لما تشتكي، فبطل تشتكي........
#فضفضة
Hadeer_saeed
الاشتراك في:
تعليقات الرسالة
(
Atom
)
التعليقات على الموضوع