البوست دة من نصيبك يظهرلك ومش شرط يظهر لكل الناس .بس هيظهر للى محتاجة والى جة وقتة انة يقراة . مافيش حاجة بتحصل بشكل عشوائى ولا بالبركة كلة لهدف ما ولسبب ممكن متعرفهوش غير قدام.. متركزش واسمع الكلمتين دول ربنا عادل لو خد منك حاجة وحرمك منها اكيد اكيد اكيد معوضك بغيرها او هيعوضك قدام انت لسة مطول معانا ان شاء الله ماتستعجلش ع رزقك وتبص لغيرك وتقول يارب اشمعنة انا اصل حضرتك مش فاهم انا وانت وغيرنا مش هنبين غير الجزء المنور الحلو فتيجى حضرتك تقول اوبا شوف عنده اية اوبا مش ناقصة حاجة مهو انا مش همشى اوريك روشتة الادوية مثلا ولا هكتبلك ليستة بالحاجات الى كان نفسى اشتريها ومنفعش عشان لازم اجيب دوا اهم.. ولا مثلا هتشوفى صحبتك الى معاها ولاد وانتى معاكيش غير بنات بس نفسك بولد انتى شايفة انها عندها الى مش عندك بس ماتعرفيش جوزها مطلع روحها ازاى .. انت متعرفش ان صاحبك الى شغال برة ومعاه فلوس على قلبة اد كدة كل مايتتقدم لواحدة ترفضة عشان سبب ما ومش عارف يكون عيلة زيك انتى بتشوفى صحبتك مامتها عايشة ومدلعاها وانت مامتك عند ربنا بس متعرفيش ان قبل ما بباها يموت كان مطلع روحها هى ومامتها مش زى بباكى الى بيدلعك دلوقتى انت شايف صاحبك دة كل صيف بيصيف فى بلد ما ومعاة مراتة وعيالة ومنورين فى الصور انت متعرفش ان كمان 5 سنين فى حاجة وحشة هتحصلهم هتطفى كل دة انت متعرفيش ان صحبتك الى اتجوزت بدرى وخلفت بدرى ابنها تعبان وكل يوم بالليل بية عند الدكتور وبتنام دمعتها على خدها وتصحى الصبح تتعامل عادى فلانة الى جوازها نورها وحملت اول متجوزت اول عيل وتانى عيل وحياتها حلوة وفظيعة فى الحمل التالت جوزها مات ودلوقتى بتربى يتمى .. انت متعرفش ربنا خد من الى قدامك اى وادالة اى انت متعرفش ربنا ادالة اى وهياخد منة اى قدام انت متعرفش كل واحد فينا مخبى اى ومبيحكهوش محدش هيمشى يحكى للناس كسرة نفسة وضعفة وحزنة وعجزة .. خليك فى الى ف ايدك وكون واثق انك هتاخد ال24قراط بتوعك كاملين قبل ماتموت وماتطمعش فى توزيعة غيرك الى عندة كل حاجة ناو متعرفش بكرة هيبقى عندة اى خلي عينك فى حياتك وادعى بالى نفسك فية وارحموا بعض شوية وبدل ما تخلى تركيزك فى اذية وحسد غيرك كثف تركيزك فى الدعاء لنفسك بالى نفسك فية اجذب احلامك واقدارك وارحم رزق غيرك من عينك
#كتاباتى
houyam
التعليقات على الموضوع