مؤخراً لاقيت نفسي علطول متعصبة وتعبانه.. لما حاولت أوصل لإجابة على سؤالي أنا ليه بقيت كدة؟
لاقيت اني مبعملش حاجة غير إني متمسكة بكل حاجة بتاكل من طاقتي..
لاقيت اني متمسكة بكل صاحب "مصلحجي" و"منافق"
لاقيت اني متمسكة بكل حد مش بيقّدر وبكل وأي حد بيغلط وبكل برود بيردد جملة "سامح يا أخي دة ربنا بيسامح"..
لاقيت إني متمسكة بـ الناس البجحة اللي معندهاش حاجة تعملها غير انها تاخد وبس..
لاقيت إني عمالة أبين إني مسامحة وإني عديت وإني نسيت قرفهم والحقيقة إنه لأ..
لاقيت إن الإستحمال مطلعش جدعنة وإنه طلع اه بيريح اللي حوالينا بس بيموت فينا الحياة بالبطئ..
ليه بجبر نفسي أتمسك بحاجات وناس مرهقين مع إن التخلي عنهم أسهل وأجمل
بكتير..
عرفت أني علطول متعصبة على ناس تستاهل لاني بستحمل ناس متستاهلش..
اعرف ان استحمالك ليهم هياخد منك وفي الاخر لما طاقتك تخلص وتتغير اللي كانوا السبب في تعبك مش هيستحملوك.. ولا هيقدروك.. وهيمشوا ويسبوك تحارب نفسك لوحدك.. وتموت نفسك بسؤالك "هما ازاي مقدروش!"
بطل تستحمل اللي بياكل من طاقتك.. وابعد عنهم..
منقول
الاشتراك في:
تعليقات الرسالة
(
Atom
)
التعليقات على الموضوع