حدث بالفعل
مش بحب أحكي عن حد بس الموقف ده ضايقني!
امبارح شوفت أم بنتها سمرا شوية و شعرها كيرلي و طفلة يعني مش كبيرة،
المهم كانت دي خطوبة أختها الكبيرة فالأم فردت للبنت شعرها بالمكواه و بعدها فضلت تحط للطفلة دي على وشها فاونديشن كتير و كريمات تانية كتير و بعدها بودر كتير و خلت البنت شبه السمكة اللي هتتحط في الزيت،
قولتلها يا طنط بتعملي ايه؟!
ليه كل ده؟!!
قالتلي أصلها غامقة اوي و عاوزة أفتحها شوية
كل ده و البنت ساكتة
قولتلها يا طنط أنا فاكراها من قبل ده كله و كانت زي القمر ما شاء الله ليه تعملي فيها كده؟!
غمزتلي و قالتلي بصوت واطي أصلها يا بنتي سمرا أوي بجد!
قولتلها سمارها كان أحلى مليون مرة من اللي حضرتك حطيتيه ده
البنت فرحت جدًا و الله و قالتلها شوفتي يا ماما أنا قولتلك إني حلوة في الأول
سؤال بقا؛
ليه تحطوا في نفوس و قلوب أولادكم عقد من صغرهم؟!
ليه تخلوا ثقتهم في نفوسهم تتهز بالطريقة دي؟!!
مهما كانت المشكلة اللي عندهم حاولوا تخلوهم يتأقلموا معاها بطريقة حلوة و يحبوها
ده لو كانت مشكلة حقيقية أصلًا مش وهمية
أنا سمرا و كنت و أنا صغيرة متعقدة من سماري ده جدًا بجد و كانوا كل الناس يقولولي اني اسمريت بزيادة و حاجات صعبة فكنت بروح أشتري كريمات كتير و أنا طفلة أحوش فلوس و أشتري كريمات علشان أبقى (بيضا) زي ما بيقولوا
حاليًا ندمانة ندم عمري اني ماوقفتش قصادهم و قولت انا حلوة كده!!
بس غصب عني كنت طفلة و أي كلمة هتترسخ في عقلي غصب عني
حرام تتعبوا نفسية أطفالكوا و تنموا العقد دي جواهم تعاملوا معاهم بالطيب و بس و جملوا العيوب لو كانت موجودة
ريهام يحيى
مش بحب أحكي عن حد بس الموقف ده ضايقني!
امبارح شوفت أم بنتها سمرا شوية و شعرها كيرلي و طفلة يعني مش كبيرة،
المهم كانت دي خطوبة أختها الكبيرة فالأم فردت للبنت شعرها بالمكواه و بعدها فضلت تحط للطفلة دي على وشها فاونديشن كتير و كريمات تانية كتير و بعدها بودر كتير و خلت البنت شبه السمكة اللي هتتحط في الزيت،
قولتلها يا طنط بتعملي ايه؟!
ليه كل ده؟!!
قالتلي أصلها غامقة اوي و عاوزة أفتحها شوية
كل ده و البنت ساكتة
قولتلها يا طنط أنا فاكراها من قبل ده كله و كانت زي القمر ما شاء الله ليه تعملي فيها كده؟!
غمزتلي و قالتلي بصوت واطي أصلها يا بنتي سمرا أوي بجد!
قولتلها سمارها كان أحلى مليون مرة من اللي حضرتك حطيتيه ده
البنت فرحت جدًا و الله و قالتلها شوفتي يا ماما أنا قولتلك إني حلوة في الأول
سؤال بقا؛
ليه تحطوا في نفوس و قلوب أولادكم عقد من صغرهم؟!
ليه تخلوا ثقتهم في نفوسهم تتهز بالطريقة دي؟!!
مهما كانت المشكلة اللي عندهم حاولوا تخلوهم يتأقلموا معاها بطريقة حلوة و يحبوها
ده لو كانت مشكلة حقيقية أصلًا مش وهمية
أنا سمرا و كنت و أنا صغيرة متعقدة من سماري ده جدًا بجد و كانوا كل الناس يقولولي اني اسمريت بزيادة و حاجات صعبة فكنت بروح أشتري كريمات كتير و أنا طفلة أحوش فلوس و أشتري كريمات علشان أبقى (بيضا) زي ما بيقولوا
حاليًا ندمانة ندم عمري اني ماوقفتش قصادهم و قولت انا حلوة كده!!
بس غصب عني كنت طفلة و أي كلمة هتترسخ في عقلي غصب عني
حرام تتعبوا نفسية أطفالكوا و تنموا العقد دي جواهم تعاملوا معاهم بالطيب و بس و جملوا العيوب لو كانت موجودة
ريهام يحيى
التعليقات على الموضوع