مهما اختلفنا كلنا عن مفهوم الحب هيفضل اقوى وصف ليه هو انك تبقى مطمن ايوة مطمن وانت بتحب بمعنى هتخانق مع الى بحبة وهنقطع بعض وهحلف مليون حلفان وهيحلف مليون حلفان على حلفانى اننا هنبعد ومش هنعرف بعض تانى.. بس كل واحد فينا من جواة مطمن ان دة مش هيحصل ابداااااااا .. مطمن وانت بتحب يعنى تدخل تنام وانت واثق هتصحى تلاقى الى بتحبه لسة فى حياتك عادى .. طبعا هتستغربوا وتقولوا ما دة الطبيعى لا دة المفروض مش الطبيعى فى ناس كتير بيناموا خايفين يصحوا ميلاقوش الى بيحبوهم فى حياتهم و فعلا فى ناس بيصحوا يلاقوا الشخص اختفى تماما بلوكات وتغير ارقام وشكرا .. او ميختفيش بس تصحى الصبح تلاقية مقرر يطلعك من حياتة عادى جداااا .. مطمن فى الحب انك تبقى واثق انك فى اى مشكلة ليك ضهر سند هيسندك مهما حصل ومهما عملت... مطمن فى الحب بمعنى انك مهما تغلط والناس كلها تشوفك اوحش حد ف الدنيا ويبعدوا عنك تلاقية هو جمبك بضهرك شايفك بقلبة مش بعيون الناس .. مطمن بالحب بمعنى انك تبقى مع حد عارف انك هتكبر وتعجز وعلامات الجمال وروح الشباب هيختفوا بس لسة هيفضل شايفك احلى حد بالدنيا... وبرضو لتانى مرة احلى حاجة بالحب انك تناااااام مطمن انك هتصحى الصبح تلاقى الشخص دة لسة بحياتك .. صعبة اوى بيوم وليلة تلاقى حد بتحبة اختفى من حياتك تماما احساس يخوف اكتر من انة يوجع..
كتاباتى_هويام_شعيب
الاشتراك في:
تعليقات الرسالة
(
Atom
)
التعليقات على الموضوع