bostat

أنا أستاهل ..
أنا مش قليله عشان أتحايل على إللي قدامي و أفكرله ازاي يحافظ عليا
أنا أستاهل إللي قدامي يفكر ازاي يرضيني و يطمني خصوصاً اني برضى بأقل حاجه و بتراضى بأقل تصرف و أصغر كلمه
أنا أستاهل إللي قدامي يثبتلي اني مهمه في حياته و من أولوياته و انه مينشغلش عني و ينشغل بيا
أستاهل إللى قدامي يجي على نفسه خصوصاً اني عارفه اني أستاهل ده و بقدره جداً قولاً و فعلاً و بعمل في المقابل من غير ما أفكر
أستاهل خوف إللي قدامي لما مبقاش موجوده في حياته مش غدر مني بس حب و تمسك منه
أستاهل مفاجأه حلوه حتى لو كانت بسيطه و أستاهل ارتاح
أستاهل أسند على كتف و أهدى و أسيبها علىٰ إللي قدامي بعد ربنا طبعا و أنا واثقه ان إللي قدامي مش هيخذلني
أستاهل اني لما اقول أنا واثقه في شخص ما هيعمل عشاني المستحيل و مش هيبعد و مستحيل يعمل الشئ الفلاني ميطلعنيش شكلي وحش في الأخر قدام نفسي و قدام إللي حواليا
أستاهل حد ينحت في الصخر عشاني
أستاهل حد لو الدنيا سابتني هو يمسكني و يتبت فيا
أستاهل حد لما أعيط مش ألاقي ايد متمسحليش دموعي لا ده ميسمحش بدموعي
أستاهل حد يطبطب عليا في وجعي و جرحي كا أبسط حل لو مافيش في ايده حاجه يعملها
أستاهل حد يراعي اني مدغدغه من جوا فلما يلمسني يحاسب اتكسر في ايده و يعرف ان أبسط كلمه ممكن توجع ما بالك بالفعل
أستاهل حد يقدر اني شوفت كتير  قبله و مرضتش الا بيه هو بس و عملت المستحيل علشانه لحد ما قابلته و لما قابلته ، قابلته و أنا تعبانه و مش قادره أتحمل أتعب تاني
أستاهل حد يبقى عاوزني افرح عشان هو متأكد و عارف اني أستاهل أفرح بعد كل إللي شوفته في حياتي
أستاهل شجرة عشمي تطرح ورد متطرحش خذلان لا أنا فعلا أستاهل عشان شوفت كتير و تعبت أكتر و بحب وجودي يبقى مهم و من أساسيات إللي بيحبوني و بحبهم ..