😍😍

من فتره ابني كان بيقولي فاكره يا ماما لما كنتي بتلعبي معانا في المطبخ.... طبعا انا مش فاكره حاجه 😅 بس طبعا هو مسابنيش غير لما فكرني... السجاده بتاعت المطبخ عندي كانت مربعات، ابني وبنتي بيتخانقوا وانا مش عارفه اطبخ، وقفت كل واحد علي مربع بعيد عن التاني و بسال اسئله واللي يجاوب يطلع مربع واللي يوصل للتاني الاول او عندي ياخد حضن 👫 ويكمل لعب.... الملفت في الموضوع ان دا كان ولا حاجه بالنسبالي هي وسيله عشان يسكتوا لحد ما اخلص اللي ورايا بس بالنسباله ذكري حلوه جدا وكان باين من نظرته و طريقته وهو بيتلكم.... ودا فكرني بان امي دائما تقولي اعملي مع ولادك ذكريات عشان لما تكبري تلاقي حاجه تفرحي بيها ولما هما يكبروا يفتكرولك ذكريات غير قوم ذاااااكر 🤯🤬، املوا ذكريات ولادكوا بحاجات حلوه عشان الذكريات دي هي اللي بتخلي الروح تتنفس