بوستات مكتوبه
النهاردة الصبح بنتي رفضت تلبس لبس المدرسه
بتقول انه مش موضه
حاولت معاها بالعقل رافضه اي الميزه مثلا من انها تلبس مريله بلون موحد وعشروميت مليون طالب نفس النظام
غلوبت من ناحية العقل طيب قعدت احايل وادادي فيها
هجيب لك وهجيب لك ردت رد مقنع بصراحه
انتي فاكراني صغيرة وهبله (هي اولي ابتدائي علي فكرة)
تضحكي عليا بشيكولاته وكلام فارغ مثلا يعني 😂😂
طيب ندخل ف سكة ان التعليم عاوز كده كيفهم كده
سوكا استايل مجابش نتيجه برده
اخر مازهقت قلت بااااااس حبيبي أبو وردة هو اللي هيحسم الموضوع 👡👡👠 ولسه يامؤمن هرفعه
لقيت نفسي فلاش باك كده للماضي السحيق كده اكتشفت اني عملت نفس ذات الموضوع دا مع امي بس انا ساعتها
بعد اما هي ما اقتنعتش بوجهة نظرى بقيت البس نفس اللبس بس كان لاااازم اغير حاجه تبقي علامه مميزة ليا
#الامومه_مش_سهله
#بلاحوار_بلابتاع
#ابووردة_هوالحل
#هبة
التعليقات على الموضوع