قصة😍

=فريده
-..........
=فريداااه
-..........
=فري
"فريده سابت البيت و طالبه الطلاق" كانت هذه الجمله مكتوبه علي مرأاة "التسريحه" بأحد اصابع "الروچ" ، و يبدو من الخط انني من كتبها و لكن لا ادري لماذا !!!
يوجد بجانبي علي الكومود كوب به بعض بقايا "ويسكي" و الكثير من اعقاب السجائر و علي الارض بضع زجاجات "ويسكي" فارغه و علي السرير بجانبي توجد .......... لا ليست إحداهن ، في الواقع كنت اود اكثر منك ان تكون احداهن ولكن ما يوجد بجانبي بعض الاوراق و الاشعه الطبيه ليس إلا ولا اعرف تخص من حتي .
"سامح محمد اباظه".... انا !!... هذه التحاليل و الاشعه تخصني !!!... ما هذا ؟!!... انهم بتاريخ 18/5/2018 ، كيف هذا و امس كان 7/4/2018 !!!... اليس اليوم هو الثامن من ابريل !!!... ماذا !!... اليوم هو9/12/2018 !!!... كيف هذا ؟!!... و ماذا حدث !!!... هل من الممكن ان يكون حدث لي مثلما حدث لأصحاب الكهف ؟.... و لكني لا اتذكر ايضاً انني قمت بعمل هذه الاشعه و التحاليل التي لا افهم منها حرفاً !!.... و اين فريده ؟... ماذا !!.... فريده تريد الطلاق ؟!!... لماذا!!...
رن هاتفي برساله تذكيريه مكتوب فيها "افتح درج الكومودينو يا باظ" بالتأكيد عمر هو من قام بعمل هذه الرساله التذكيريه فأنا اكره هذا الاسم و هو يتعمد ان يناديني به ليثير غضبي ، و لكن لحظه ... لماذا امسك عمر بهاتفي اصلاً ؟!! لنري ماذا يوجد في هذا الدرج .
وجدت ورقه مكتوب بها _بخط عمر_ .
"صباح الفل يا باظ  انا عمر السباعي
بص يا معلم انت عندك متلازمه كده اسمها متلازمة كورساكوف ولا كلاشنكوف مش فاكر بالظبط  المهم يعني ان المتلازمه دي بتسببلك فقدان للذاكره الحديثه زي ما الدكتور قال يعني بتفتكر الحاجات القديمه و مبتفتكرش الجديده بمعني اصح بقيت زي كريم عبدالعزيز في فاصل و نعود
فريده مستحملتش الوضع و طلبت الطلاق و انت طلقتها
الدكتور كمان قال ان الموضوع ده حصللك بسبب شربك الكتير للكحوليات فبطل شرب بقي و خد الدوا في مواعيده و طارق هيجيلك كل يوم يشوف طلباتك و يديلك الدوا و يمشي
يلا قوم خد شاور و فوق علي ما طارق يجيلك علشان تاكل و تاخد الدوا
و متنساش ترجع الورقه مكانها "
و جدت روشته في نفس الدرج بالادويه التي يجب علي اخذها و لكني لم اجد اي دواء  ربما يكون انتهي .
خرجت من الغرفه فوجدت الصاله مملوءه بزجاجات الويسكي الفارغه  ، غالباً كانت هذه اثار سهرة ليلة امس ... و لكن هناك عدة زجاجات في الغرفه ايضاً !! قد يكونوا منذ اول امس ، فلا يوجد من يقوم بالتنظيف .
حسناً ماذا افعل الأن ؟ سأبحث في الثلاجه عن شئ اأكله ..... المزيد من الويسكي !! من اين كل هذا !!.... اخذت زجاجتين و جلست امام التلفاز غير مهتم بما يحدث ، لقد كانت مباراة كرة قدم و اتذكر كم كنت اعشقها و لكني لم اشعر بأي اهتمام تجاهها ، انا و بصحبتي الويسكي و كفي .
بعد بعض الوقت كنت قد انتهيت من الزجاجتين فهممت لأجلب المزيد _يبدو ان احدهم قد فتح حانه في ثلاجتي_ و لكني وجدت من يفتح باب الشقه و يحمل عدة اكياس بها القليل من الطعام و الكثير من الويسكي ، انه طارق ذهبت لأساعده .
=ايه يا ابني انت لسه صاحي ولا ايه ؟
-يا اخي طيب سلم عليا الاول
=يا ابني ما انا لسه مسلم عليك بالليل قبل ما امشي هي قصه
-انت كنت هنا بالليل ليه !!
=لا ده عادي انا كل يوم باجي اقعد معاك لحد بالليل و اروح بعدها
-ده ليه كده !!
=علشان اأكلك و اديلك الدوا يا ابني
-طيب فين الدوا ؟
=اوبس انا نسيت انه خلص ، هدخل الحمام بسرعه و اروح اجيبه علي ما تحضر الاكل
-تمام
طارق كان زميلي انا و فريده في كلية حقوق ، بل هو من عرفني علي فريده ، اكتشفت بعد ارتباطي بها انه كان معجب بها و عندما سألته انكر و قال انه يعتبرها كأخته
يا كل حياتي و امالي و يا اجمل سنين فاتت
و حبي و كل اشواقي و كل لحظه معاك كانت
My love !!! ... و لكني لا اتذكر ان طارق متزوج
اذا كان متزوج فبالطبع زوجته تعرفني لذلك قمت بالرد .
=اتأخرت يا حبيبي هتيجي امتي ؟
فريده !!!... انه صوت فريده ، ماذا افعل ؟ قد لا تكون هي و لكنني اتذكر صوتها جيداً
=الو
-........
=يا طارق
-.........
انهت المكالمه و اتصلت مجدداً و لم ارد هذه المره
=محضرتش الاكل ليه يا ابني !!
-نعم
=يوووه تلاقيك نسيت ، خلاص انا هحضره
-ماشي
بعد ان انتهينا من الطعام احضر طارق كأسين و بعض زجاجات الويسكي و ملأ لي كأس و اكتفي بالقليل من الويسكي في كأسه قبل ان يرن هاتفه
دخل الغرفه ليرد و استمريت انا في الشرب ، سمعته يقول لمن يتحدث اليها "هينسي يا حبيبتي ده بينسي اني معاه في الشقه" ، حاولت ان استمع الي باقي المكالمه و لكني لم اسمع شئ
=لا مؤاخذه يا سموحا انا لازم امشي دلوقتي
-سموحا !!! بلاش خرا يا ابني سامح الطف كتير
=ماشي يا عم سامح انا هطير بقي
-ماشي يا طروقه
=ايه طروقه دي !!
-زي سموحا كده علشان انا روش طحن
كانت الساعه السادسه تقريباً ، استمريت في الشرب لمده طويله حتي غلبني النوم و لم افيق الا و طارق يقوم بايقاظي
=قوم الله يخربيتك انت بتشرب من ساعة ما سبتك
-في ايه
=عمر راجع من السفر الصبح و هيجي علي هنا
-هي الساعه كام
=الساعه 3 الفجر ، يلا قوم معايا فوق كده و خدلك شاور علي ما اظبط الدنيا انا
-حاضر حاضر
خرجت من الحمام فوجدت طارق ينظف الشقه و يلملم كل زجاجات الويسكي الفارغه و المملوءه كما انه احضر الدواء و وضعه في مكانه .
=انت بتعمل ايه يا ابني
-عمر لو جه و شاف الحاجات دي هينفخنا ، ادخل نام انت علشان تبقي فايق الصبح و انا هخلص و امشي و اجيلك الصبح مع عمر
=ماشي تمام
في الصباح اتي عمر برفقة طارق و علي وجهه علامات الغضب
=حمدلله علي السلامه يا عمر واحشني و الله
-و انت كمان يا سامح
=مالك يا عمر !!
-اللي طارق بيقوله ده حقيقي ؟
=اللي هو ايه ؟
-انك مبترضاش تاخد الدوا و طول الوقت عايز تشرب و مبتنامش زي ما الدكتور قايل و ان حالتك بتسوء كل يوم عن اللي قبل
=يا عمر انا ....
-انت ايه ، ما هو اصلاً العيب مش عليك العيب علي البيه اللي المفروض بياخد باله منك
+يا عمر متظلمنيش انا بديله الدوا بالعافيه و مبفوتش يوم بس هو بينزل يشتري ويسكي بالفلوس اللي بتبعتهالي علشان اديهاله و كذا مره الاقيه مخبي ازايز ويسكي و اخدها ارميها و مش بعيد لو دورنا دلوقتي نلاقيه مخبي تاني
-صحيح الكلام ده يا سامح
=........
+اخر مره كان مخبيهم في المطبخ
-تعالي وريني كده
خرجا من المطبخ يحملان بعض زجاجات الويسكي التي لا اعرف من اين جاءت ولا من وضعها في المطبخ و لكني لا املك الانكار حتي لأنه من الوارد ان اكون انا من احضرهم بالفعل و لكني غير متذكر
+دي غلطتي انا ، انا اللي علمتك شرب الهباب ده ، انا اسف