قصة ❤الرمز الشيطاني 👹الجزء الاول 👿

#الرمز_الشيطاني_1
- بكام النظارة دي لو سمحت ..
- ب 20 جنية بس
استغربت جداً نظارة زي دي تمنها أكبر من كدا خصوصاً وأني  لقيت عليها ماركة معروفه جداً فى عالم النظارات.. لكن كويس بردك على قد الفلوس اللى معايا ..
وبدون تفكير ولا حتى اجربها واشوف علية اشترتها و روحت البيت وانا فرحان بيها جداً .. و أول ما دخلت البيت روحت علطول اجربها فى المرايا بتاعت الاوضة بتاعتي .. واو شكلها جميل جداً .. قعدت اتأمل فى نفسي شوية بيها لحد لما شوفت حاجة غريبة جداً فى المرايا .. شوفت نفسي وانا جداً مع اني مش مبتسم فى الحقيقة استغربت جداً
لدرجة أني حطيت ايدي على وشي اشوف هل انا مبتسم ولا لا ...؟ لكن مكنش فى حاجة ولسه بردك نفس الابتسامة على وشي حاولت اغير ملامح وشي مفيش بردك حاجة بتتغير الأبتسامة موجوده .. وجسمي ثابت فى المرايا مش بيتحرك
.. اتحرك يمين شمال ثابت بردك .. ايه دا بقا ...؟!

واقف قدام المرايا ومستغرب من نفسى اللى جوه المرايا فى لحظه من التفكير خلعت النظارة وبصيت على نفسي تانى من غير الظارة لقيت الوضع طبيعي جداً .. هو فى ايه شكل النظارة دى فيها حاجه غريبة انا مش عارفها .. تجاهلت الأمر تماماً ودخلت انام عشان عندى كلية بكره ..

صحيت من النوم ولبست عشان اروح الكلية .. روحت و دخلت الكلية وروحت على صحابي عشان اسلم عليهم سلمت عليهم الغربية اني لقيت واحد فيهم بيقول
- ايوه ياعم ايه النظارة الشيك دي
استغربت جداً من كلاموا وقولتوه نظارة ايه ... ؟!
- اللى انت لبسها ياعم أنت شارب حاجه على الصبح ولا أية
مصدقتش كلام عشان اصلاً انا سايب النظارة في البيت ملبستهش بسبب اللى حصل امبارح بس عشان اتأكد فعلاً اني مش لابس النظارة رفعتِ ايدي وحطتها على وشي لا لا فى حاجه غلط النظارة موجودة على وشي فعلاً .. ازاى دا يعني انا مش فاهم حاجه
- ايه ياعم مالك .. أنت بتشرب حاجه من ورانا ولا ايه ..؟!
- لا لا ياعم مفيش حاجه متختش فى بالك انا دخل المدرج عشان احضر المحاضرة
سبتهم ومشيت وأنا مستغرب من اللى بيحصلي دا .. دخلت المحاضره وقعدت لكن حسيت نفسي مصدع جداً حطيت دماغي على الدسك  .........

ايه ظا انا فين ؟.. أنا دلوقتى شايف نفس مشهد أمبارح شوفت نفسي واقف قدام المرايا وقاعد ببص لنفسي وانا لابس النظارة نفس الابتسامة المرعبة اللى على وشي جوه المرايا واللى مش موجوده اصلاً فى الحقيقة بس في حاجه متغيره صوت حد بيتكلم مش عارف اي مصدره بس بيتمتم بكلام مش فاهمه دورت عليه لكن بردك مش عارف اي مصدره لدرجة انت شكيت فى نفسي .. وفعلاً بصيتِ على صورتي اللى جوه المرايا ايه دا .... ؟!!!!!!!!!!!
أنا فعلاً اللى بتكلم من جوه المرايا بس أنا مش بتكلم فى  الحقيقة .. بقول كلام مش مفهوم ومش عارف دا بيطلع مني أزاى ؟! .. لكن فصلني من المرعب دا صوت تصقيف للدكتور بيعلن فية عن انتهاء المحاضرة
خرجت من مدرج المحاضرة ودماغي مصدعة جداً عشان كدا قرارت انى مكملش باقي المحاضرات و أروح البيت .. روحت ودخلت عشان أنام من كتر الصداع اللى فى دماغي لقيت اخويا الى اصغر مني بسنتين بيقولى ...
- علاء انا اخذت النظارة الجديدة بتاعتك و روح بيها امدرسة انهاردة اصلها عجبتني اوى ..
- محمود انا دماغي مصدعة مش وقتة هزار خالص .. النظارة أنا كنت لبسها النهاردة ازاى بقا هتنفع تاخدها ...
- نظارة ايه اللى انت خدتها  والله النظارة كانت معايا انا ..
- اتصدمت جداً بعد لما حلف بالله انها كنت معه انهاردة .. ولقيت خرج وراح على الاضه بتاعته عشان يجبلي منها النظارة ..  لا لا متسحيل ...!! أكيد فى حاجه غلط فى البتاعه دي .... اخذتها منهِ  وانا خالص أخدت القرار اني اتخلص منها ....نزلت الشارع وعلى أقرب صندوق زبالة رمتها فى ...

و روحت البيت لقيت السرير مستنيني  ..
عشان بعد لحظات القي نفسي فى اوضة مقفولة واسعه جداً مكونه من اربع حوائط ملهاش باب ولا اى مخرج للجروب منها فى وسطها مرايا كبير و موجود جو المرايا انعكاس  صوره شخص مكنش واضحه لغاية لما قربت منها شوية واكتشفت انها صورتي .. لكن بيحصلي حاجات غريبة جوه المرايا .. أنا بتألم جداً من عيوني أكن حاجه دخلت فيها شايفني وانا بصرخ من كتر الألم اللى في عيونى وبحاول اخلع النظارة لكن مش بتتخلع وأكنها مصدر الالم دا .. كل دا وانا فى الحقيقة قاعد بتفرج على نفسي أكنى بتفرج على مسلسل فى التلفزيون .. وفجاة ظهر قدامى واحد طويل جداً ملامح وشه غريبة جداً ملوش عيوني أكن حد خلعهم من مكانهم .. رجعت ورا فى الحقيقي خطوتين
رعب و خوف من المنظر دا .. عشان اخبط في حاجه وانا برجع .. معرفش هي ايه .. !! خايف جداً اليف وشى اشوف دا ايه .. حراره غير عادية ورايا ودا اللى زاد خوفى اكتر مرعوب جداً وقلبي هيقف من كتر الرعب .. لكن استجمعت قوتي ولفيت وشي عشان القي نفس الكائن الغريب اللى شوفته واقف ورايا فى المرايا بيرفع ايده وحطها في عيوني وشدها وخلعها من مكانها ..... عيونيييييييييييييييييييي .... !!!
                              
هو فى ايه .. ؟ وايه اللى بيحصل ل علاء ..؟ وايه حكاية النظارة دي ..؟ هل هى لعنة .. ؟ كل دي اسئلة لازم نجاوب عليها فى الجزء التانى من قصه  " الرمز الشيطاني "
... رأيكم يهمني  ...
من قصه ( الرمز الشيطاني ) ..
#المرعب_أحمد_مجدى