قصة ❤شيزوفرنيا👽الجزء الثالث و الاخير👉
الجزء الثالث و الأخير
شيزوفرنيا
انا رميت جثة واحده بس بتاعة البنت ..!!!
ولما رجعت شروق مكنتش بالبيت ...!!؟؟
يعني ايه الكلام ده ..؟
وباعلي صوتي ناديت ...؟
شرووووق !!
يا شروووووووق ..؟؟؟
شروق صحيت مفزوعة علي صوتي وبنبرة خوف قالت ؟
في ايه حليم فزعتني بتزعق ليه كده ..؟
في حد عرف حاجه..!!؟
بغضب قلتلها ؟؟
انتي كنتي فين امبارح لما رجعت ملقتكيش في البيت ورجعتي بعدي ؟؟
بإرتباك ردت ؟؟
منا قولتلك كنت في الصيدلية بجيب العلاج ..!!
حليم :
يعني معملتيش حاجه تاني غير انك روحتي الصيدلية ..؟
مروحتيش اي مكان تاني ..؟؟
شروق : لا يا حليم مروحتش في اي حته !!
روحت الصيدليه وبعدين وجيت علي هنا بسرعه ..!
في ايه يا حليم ..؟؟
حليم :
لقوا النهارده جثتين عند المصرف ..؟؟
ولد وبنت !!
وانا امبارح بليل رميت البنت بس ..!!
مين اللي قتل الولد ..؟
شروق بإرتباك وتخبط في كلامها قالت ..؟؟
قصدك ايه ..؟
ان انا اللي بقتل ..؟؟؟
بتشك فيا ..؟؟
يا حليم انا جبت العلاج وروحت علي البيت علي طول انا معملتش حاجه والله العظيم ولا قتلت حد وابتدت تبكي..!!
حليم بعد مقرب منها وصوته هدي شويه ؟
أهدي يا شروق لو انتي فاكره حاجه قوليلي عشان نلحق نتصرف ونساعدك ..؟
شروق :لا والله معملت حاجه انا مش فاكره أي حاجه غير اني جبت العلاج وجيت علي البيت ..!
حليم :انتي عارفه يا شروق ان مريض الشيزوفرنيا احيانا مبيحسش هو بيعمل ايه...!!
بيتحول لشخص تاني لفتره معينه من الوقت ..!!وبصراحة يا شروق انا خلاص اتاكدت انه انتي اللي بتعملي كده ..!!
مفيش حد كان معانا في البيت يوم ملاقينا البنت ويوم مصحينا لاقيناها مقتوله انا كنت سايبك صاحيه ومردتيش تنامي ..؟؟
وامبارح رجعت البيت ملقتكيش ....؟
وانا رميت جثة البنت بس ، ازاي لقوا جثتين ..؟؟
شروق لاازم تتعالجي..؟؟
وقبل كده لازم نروح الشرطه وتسلمي نفسك وان شاء الله مش هتاخدي حكم لأنك مريضه والدكتور هيثبت كده ..!!
ولازم ده يحصل بسرعه قبل متقتلي حد تاني ..!!
ونتورط اكتر من كده ..؟؟
شروق انهارت من كلامي وقعدت علي الارض وقالت كلام ممزوج ببكاء :
يعني انا ؟؟طب ليه هعمل كده حتي لو الشيزوفرنيا رجعتلي تاني هعمل كده ليه ..؟؟
خلاص يا حليم للدرجادي عاوز تضحي بيا ...!؟
للدرجادي عاوز تخلص مني ..؟؟
ممكن يكون حد تاني غيرنا اللي بيعمل كده ..!؟
خدتها في حضني وضمتها جامد وقولتلهاانا عمري مهتخلي عنك ..!!
انا خايف عليكي وكده كده صلاح اول مهيعرف بالحادثة اكيد هيبلغ ووقتها هياخدونا احنا الاتنين ومش هنلاقي حد يساعدنا فلازم تسلمي نفسك وترجعي تتعالجي وانا عمري مهسيبك انا معرفش أعيش من غيرك اصلا ...!!
الباب خبط ...؟؟؟؟
خبط جاااامد ....؟؟؟
شروق لسه في حضني بس اول الباب مخبط حسيت بالخوف وسيبتها وبعدت عنها ..!!!
شروق :في ايه رايح فين يا حليم ..؟؟
حليم : هفتح الباب اشوف مين ..؟؟
فتحت الباب ..؟؟
عمي جيه من مصر ؟؟
سلمت عليه كان واحشني اوي بقالي كتير مبشفهوش .. كتير اوي ..!!
دخل وقعد وسألني عامل ايه في الدنيابعد مخرجت من المصحة ..؟؟؟
اول مسألني انهرت وبكيت واترميت في حضنه وحكيتله كل حاجه حصلت مني ومن شروق ..!!؟
بصلي واعد يضحك ....؟؟
قالي كنت عارف انك لاما هتجنن لاما هتودي نفسك في داهيه ...!!
واديك عملت الاتنين ...!!
بصيتله وزعقت وبغضب قولتله ؟؟
انا متجننتش انا بقيت كويس وانا معملتش اي حاجه غلط !!!
شروق اللي عملت ..!!
بس والله العظيم غصب عنها دي هيا كويسه جدا بس بببس "الشيزوفرنيا" رجعتلها ..!!
بس هتكون كويسه يا عمي هتكون كويسه ...!!!
قوليله يا شروووووق انك هتكوني كويسه وهترجعي تعيشي معايا ومش هتسبيني تاني لوحدي زي مهوه وكل الناس سابوني أعيش لوحدي..!!!
قوليله يا شرررررروووق ...؟؟؟
شروق ودموعها نزلت وردت عليا وقالت :
أقول لمين يا حليم مفيش حد موجود معانا مفيش في البيت غير انا وانت ..!!!انت بتكلم مين ..؟؟
الباب لسه بيخبط وانت مفتحتش يا حليم ..!!
اتصدمت بصيت حواليا ملقتش حد خالص..!!
يعني ايه ..؟؟
فوقت من الصدمة علي خبط علي الباب ..؟؟
خبط جااااامد ..؟؟
فتحت الباب ..؟؟ البوليس
انت حليم ..؟
ايوه يا فندم ..
هاتوه.. انت متهم بجرائم قتل الأطفال اللي في البلد
لا لا مش انا ..!!
متسبنيش يا شرررروووق
مردتش عليا ..؟؟
روحت القسم وحولوني للنيابة ..
وسألوني
اسمك وسنك ..؟
اسمي حليم عبد الحميد السيد عندي 32 سنة ..
قتلت الأطفال دي ليه يا حليم .؟؟
ليه عملت كده ..؟؟
حليم
انا مقتلتش حد يا فندم الل قتلهم شروق ، بس والله يا فندم هيا تعبانه عندها شيزوفرنيا ومبتعرفش هيا بتعمل ايه مبتكونش في وعيها واسألوا حتي دكتور صلاح ، كان دكتورنا في المصحة وهوه اللي ﻣﺘﺎﺑﻊ حالتنا ..!!!
أسأله يا فندم وهوه هيأكدلك انها عندها شيزوفرنيا ..!!
سامحوها يا فندم انا مقدرش أعيش من غيرها .!!
وعيط وقال ..؟؟
مقدرش أعيش لوحدي ..!!
المحقق
دكتور صلاح هو اللي بلغ عنك يا حليم وهوه فعلا موجود بره عشان يشهد ...!!!!!
المحقق:
دخل يا بني دكتور صلاح ...؟؟
انت صلاح .؟؟ ايوه يا فندم ..
تعرف ايه عن حليم وتعرف ايه عن الجرايم ديه وايه عرفك ان حليم هوه القاتل ...؟؟
رد صلاح وقال :
حليم كان بيتعالج في المصحة اللي انا شغال فيها ، كان مريض شيزوفرنيا ، والل قدرت افهمه انه عمه هوه الل رباه مع ولاده وكان بيعاملوا وحش ودايما كان بيعذبه وكان بيفضل أطفاله عن حليم في كل حاجه لدرجة ان حليم كره كل الأطفال بس ولاد عمه ، وده تقريبا السبب في مرض حليم ، من سنتين تقريبا خرج من المصحة بعد محالته اتحسنت وعشان هوه ساكن في نفس البلد اللي انا ساكن فيها فقررت أتابع معاه بالأخص انه في الفترة الاخيرة بقا يشوف حاجات مش موجوده وأعراض الشيزوفرنيا ابتدت ترجعله من تاني ..!!
وف يوم كلمني وروحتله ولاقيت عنده بنت صغيره وكان فيها إصابات ..؟؟
عالجت البنت وقالي انه لقاها قدام بيته وقولتله اول م البنت تفوق كلمني عشان نشوف مين أهلها واتفاجات امبارح ان الأهالي لقوا البنت مع جثة تانيه عند المصرف ..فبلغت الشرطة فورا ..
ايه رأيك يا حليم في كلام الدكتور صلاح ..؟؟
رد وقال ..؟؟
كلامه صح يا فندم !!
بس اللي قتل مش انا ..!!
شروق اللي قتلت....!!
بس غصب عنها !!
المحقق
شروق مين يا حليم ..!!؟؟؟
حليم
مراتي يا فندم ..!!
صلاح رد وقال ....؟؟؟
اه يا فندم حليم كان بيحب واحده معاه في المصحة اسمها شروق كان عندها نفس مرضه بس دي للاسف ماتت قبل هوه ميخرج من المصحة ..!!!!!!!!
وهوه بيتهيأله احيانا انها معاه واتجوزوا وكل أهالي البلد عارفين حكايته دي ...!!!!!!
حليم قام وصرخ وقال ؟؟
لا شروق موجوده وعايشه معايا شروق مامتتش شروق عايشه لا لا لا انا مش مجنون ......!!
المحقق
يحول حليم عبد الحميد السيد الي مستشفي أمراض نفسيه لتشخيص حالته اذا كان مريض نفسي من عدمه .. ..؟؟
شكرًا دكتور صلاح ..!!
شكرًا يا فندم ..
خده يبني.
المصحة..
حليم قاعد مبتسم وفي دموع علي خده وقال
شكرًا يا شروق انك جيتي معايا المصحة ..!!
شروق :انا قولتلك يا حليم اني مش هسيبك طول عمري وهفضل معاك علي طول يا حبيبي !!!
حليم وبعصبية رد وقال
:لا يا شروق انتي سيبتيني وموتي ومن غير حتي متعرفيني قبلها وانتي عارفه اني مليش حد غيرك في كل الدنيا !!! ليه سيبتيني لوحدي يا شروق وانهار من البكاء ...!!؟
شروق : انا موجوده معاك اهوه ..!
حليم. :لا يا شروق انتي مش حقيقية انتي موجوده في عقلي بس !!!
الدكتور صلاح وجاي من بعيد وقاله
بتكلم مين يا حليم ..؟؟
حليم وبكل تلقائية رد وقال ..؟؟
دي شروق يا دكتور صلاح !!
(ممرضة) :
حالته بقت صعبه اوي يا دكتور صلاح..!!
بيصعب عليا اوي كل مبشوفه ...!!!
صلاح عينة دمعت وقالها هيا دي ال "شيزوفرنيا"
تمت
لا تبخل برأيك
شكرًا
#شيزوفرنيا
#محمود_زغلول
التعليقات على الموضوع