قصة ❤شيزوفرنيا👽 الجزء التاني 👉
الجزء التاني
شيزوفرنيا
بالعامية
مين اللي عمل كده ..؟؟
مفيش حد في البيت غيري انا وهيا .؟؟
يعني لانا لهيا ....؟؟؟
.. ببص لشروق بصة اتهام ..!!
معقوله هيا ..؟؟
هيا السفاح ..؟؟
طب ازاي وامتي ؟؟
ممكن مثلا بتخرج بليل بعد ما بنام انا وتنفذ جرايمها ..؟
طب ليه هتعمل كده ..؟؟
واقف مذهول وبكلم نفسي ..؟؟
لا لا شروق متقدرش تعمل كده ..!!
دي متقدرش تدبح فرخة حتي ...!!
بس ليه لأ ..؟؟
مهو ممكن تكون ال "شيزوفرنيا" رجعتلها ..!!؟؟
انت نسيت يا حليم انت عرفتها فين ..؟
في مصحة أمراض نفسية ..!!!!!
بس احنا اتعالجناخلاص من زمان ..!!
والدكتور صلاح اكدلنا اننا خلاص بقينا كويسين طالما مستمرين في العلاج اللي بيدهولنا ...!؟
اه احب اقولكم ان انا كمان كنت بتعالج من نفس المرض النفسي "شيزوفرنيا" ..!!!
كنا مع بعض انا وشروق في نفس المصحة..!!
واتعرفت عليها هناك ..!!
بس انا خفيت وانا الحمد لله متأكد اني بقيت كويس دلوقتي ....!!!
لكن شروق لأ..؟؟
الفتره الاخيره كنت حاسس بتغيير كبير في شخصيتها..؟؟
وبقت عصبية جدا وعلي طول متوترة. ..!!؟
اكيد هيا شروق ...!!!
مهو لـ هيا لانا وانا متأكد اني معملتش حاجه ..!!
يبقا مفيش غيرها ..!!
كل ده بكلم نفسي وانا باصصلها ومصدوم من المنظر..!!!؟؟
وهيا باصالي وبرده مصدومه وبتحاول تبعد عني ..!!
خايفه مني ..!!
وابتدت تعيط وتترعش وبتشاور علي دراعي ....؟؟
بصيت علي دراعي ولقيت ..؟
لاقيت دم علي دراعي ...!!!
دم .،؟ منين الدم ده ..؟
معقول انا اللي قتلت البنت ..؟
معقول انا اللي بعمل كل ده من غير مكون داري الشيزوفرنيا رجعتلي انا تاني ..؟؟
لأ لأ لأ مش ممكن اكيد مش انا ..!!
انا دخلت نمت امبارح وسايبها هيا صاحيه..؟؟
اكيد هيا قتلت البنت بعد منا سبتها ونمت !!
قولتلها لا !!
مش انا يا شروق ..!!
انا سيبتك امبارح ونمت .!
قربت منها كانت مرعوبه مني وخايفه وبترجع لورا بضهرها ..!!؟
قولتلها والله مش انا يا شروق..!!
قربت اكتر منها و خدتها في حضني عشان اطمنها ليا يمكن تهدي شويا..!!
وهيا في حضني عيني جت علي كتفها ايه ده ..؟ دم علي كتفها ..؟؟
قولت الكلمة هيا بصت علي كتفها وشافت الدم وصرخت ...!
لا لا لا انت عاوز تجنني يا حليم صح ..؟؟
انت عاوز تجنني ..!!
ضمتها تاني لحضني وطبطبت عليها لحد مطمنت ليا خالص وهديت شويه ....!!
في اللحظه دي اتأكدت ان حد فينا هوه القاتل ..!!
حد فينا هوه اللي قتل البنت واكيد كمان هوه المسئول عن اللي بيحصل في البلد وبيقتل الأطفال ..!!!
حد فينا حصلتله انتكاسه ورجعتله ال "شيزوفرنيا"
بس ليه يقتل الأطفال ..؟؟
فكرت شويه وبعدين قولتلها شروق ...؟
اللي بيعمل كده لأنا لاما انتي ..!!
مفيش حد تاني معانا ..!!
حد فينا الشيزوفرنيا رجعتله تاني وهوه اللي بيعمل كده بس أيا كان هوه مين فده غصب عنه ولازم التاني يقف معاه ويساعده لحد ميرجع طبيعي تاني ويخف تماما ...!!
عماله تعيط ومش مصدقه اللي انا بقوله بس في الاخر اقتنعت ..!
مهو مفيش حد تاني غيرنا في البيت
لانا لهيا ...!!؟؟؟
ردت بنبره خوف ولسان مرتعش وقالت :
طب هنعمل ايه يا حليم..؟
قلتلها:
اول حاجه لازم نتخلص من الجثة دي ..!!
قبل محد يشوفها عندنا ونروح في ستين داهيه..!!
وبعدين نفكر هنتصرف ازاي وبسرعه..!!
لو حد شافها عندنا هيتهمونا في كل الجرائم اللي بتحصل في البلد وممكن يقتلونا انا وانتي يا شروق ...؟؟؟
ردت وقالت وهيا بتعيط ؟؟
يقتلونا ..؟؟
لا يا حليم انا مش عاوزه اموت انا معملتش حاجه انا مقتلتش حد ..!!
مسكتها وضمتها ليا تاني وقلتلها ؟؟
متخافيش يا حبيبتي !!
محدش هيلمسك او يمسك بسوء طول منا عايش يا حبيبتي ..!!
ودلوقتي يلا نتخلص من الجثة دي ..؟
لا يا حليم انا مش هقدر المسها ولا اشوفها تاني مش هقدر أتصرف انت ..؟؟
حاضر يا حبيبتي هتصرف ..!!
هاتيلي ملايه ..!!؟
طلعت انا جبت الملايه ...؟؟؟؟؟
لفيت البنت بالملايا اللي انا جبتهاوبليل خرجت من البيت ..!!
وقلت لشروق عقبال مرجع تكون نضفتي الاوضة والبيت من اي اثار للدم ..؟؟
وخدت جثة البنت ولاقتني تلقائيا رايح علي المصرف لوحدي بدون تفكير ..!!؟؟
ورميت الجثة ....؟؟
رجعت البيت ملقتش شروق ...؟؟
البيت كله دم ومتنضفش ..؟؟
دخلت الاوضه ومسحتها ومحيت اي اثار للدم في البيت ...؟؟
شويه ولاقيت شروق داخله عليا ..!
بصتلها كويس ..؟؟
شكلها طبيعي!!
سألتها
كنتي فين يا شروق دلوقتي ..؟؟
ردت عليا :. وبكل بروود قالت ؟؟
روحت جبت علاج عشان اللي عندنا خلص ..!!
حليم : كان لازم دلوقتي يعني يا شروق .؟
شروق: انا قولت عقبال مترجع اروح أجيبه ..!!
اممممم وجبتي العلاج ..؟؟
شروق: لا الصيدليه قافلة ..!!
شروق :انت عملت ايه رميت الجثة ..؟؟
حليم :اه رميتها
وبكل تلقائية قالتلي ؟؟
رميتها برده جنب المصرف يا حليم ..؟؟
لفيت وشي وباستغراب وبصة شك قولتلها ؟؟
اه في المصرف يا شروق ..!!
انتي ايه اللي عرفك اني رميتها جنب المصرف ..؟؟
ردت بإرتباك وقالت
اكيد يعني هو فيه حته تاني في البلد غير
المصرف ممكن يترمي فيها جثة ..؟
وبعدين كل الجثث اللي لاقوها قبل كانت هناك ..!!
حليم : قصدك ايه ..؟؟
ان انا اللي بقتل الأطفال وانا اللي قتلت البنت ..؟
شروق : معرفش يا حليم ..؟؟
انا مبقتش عارفه حاجه خالص ..؟؟
وانهارت وقالت ..؟
انا تعبانه يا حليم تعبانه...!!
قربت منها وقولتلها أهدي يا حبيبتي ..
مش مهم مين اللي بيقتل وزي مقولتلك لو انا او انتي فده غصب عنا ...؟؟
اللي بيعمل كده مريض ولازم يتعالج ..!!
يلا تعالي نامي دلوقتي والصبح نتصرف ..!!
دخلنا علي السرير وفردنا جسمنا وادينا ضهرنا لبعض وكل واحد فينا بيفكر مين فينا اللي بيقتل
من كتر التفكير نمنا ..!!
الصبح صحيت سيبتها نايمة وخرجت علي الصاله وشغلت التليفزيون ....؟
وخبر تاني في التليفزيون عن قريتنا ..؟؟
تم العثور صباحا علي" جثتين " لأطفال احدهما ولد والثانية لبنت بجانب مصرف القريه وتعد هذه االجريمة الحادية عشرة بنفس الطريقة وبنفس القرية بعد وجود تسع جثث قبل ذلك وجثتين اليوم ومازال السفاح مجهول...
بصيت للتليفزيون وركزت مع كلام المذيع ...!!؟
جثتين .....؟؟
ولد وبنت ..؟؟
ازاي ..؟؟
اانا رميت واحده بس بتاعة البنت ..!!!
ولما رجعت شروق مكنتش بالبيت ...!!؟؟
يعني ايه الكلام ده ..؟
وباعلي صوتي ناديت ...؟
شرووووق !!
يا شروووووووق ..؟؟؟
يتبع
الل متابعش الفصل الاول يقول وهبعتله اللينك
فاضل فصل واحد
شيزوفرنيا
استنوني في الجزء التالت
#محمود_زغلول
التعليقات على الموضوع