تحذير لو قلبك ضعيف بلاش تقراها

#موقف_رعب_حقيقى.... تحذير القصة صعبة ...

بصي يا ستي , و انا صغيرره كنت عايشه في محافظه بره القاهره و بابا بعت جاب من مكتب خدمه بنوته صغيره مقيمه عشان تساعد امي في البيت و تقيم معانا ... البيت كان فيه امي و ابويا و انا و اخويا الي اكبر مني بسنه و نص و جدي الله يرحمه الي كان وقتها عنده 97 سنه و ضرير و خاتم للقران و مبيفوتش فرض
دخل بابا و معاه بنوته عمرها 16 سنه و انا كان عندي ايامها 7 سنين يعني الحكايه دي عدى عليها 23 سنه ... البنت ايه في الجمال شعر اصفر و عنين خضره و ادب و نضافه .. اول يوم دخلت البيت طلبت من ماما انها تسمع اغاني و هي بتشتغل على كاسيت صغير ده ماما كنت ركناه فكان رد امي ( يا بنتي دا بايظ بس لو عرفتي تشغليه شغليه ) و فعلا راحت حطت فيه شريط و اشتغل !!!! عادي قلنا صلحته و بدأت الحاجات الغريبه تحصل بعدها .. بابا بيرجع م الشغل يطمن علينا نايمين في سرايرنا كل يوم بي ف يوم ملقاش اخويا في سريره !!! سأل ماما عليه قالتله انا نيمتهم تلاقيه وقع من ع السرير و في الاخر لقوه نايم في البانيو !!!!! و بعدين ماما كانت دايما تلم لعبنا و تحطها في كرتونه و تصحى لصلاة الفجر تتفاجىء ان اللعب الللي هي حطيتها بالكرتونه بنفسها مرصوصه كلها قدام باب الحمام .... مره تانيه المغرب اذنت و والدي قاعد يتفرج على التلفزيون و احنا كان عندنا شجر طبيعي جوه البيت بابا كان بيحب الزرع و اول ما المؤذن قال الله اكبر لقينا كل ورق الشجر وقع على الارض على هيئة عناكب بيضا و لما بابا حاول يضربها بالشبشب مكنش بيلاقيها ؟1!!! اختفت !!!!
في مره ماما و البنوته دي اللي بتساعدها كانوا في المطبخ و بعدبن البنت سالت ماما قالتها هو انا لو شلت واحد ميت يجرالي ايه؟؟ ماما مفهمتش و سألتها يعني ايه !! البنت ردت و قالت انها شالت ابن عمها و عمره 5 سنوات بعد ما عدت فوقيه عربيه نقل فرمته!!!!!!!!!!!!!! ماما خافت و حكت لبابا و كان القرار انهم يصبروا !! انا كنت يوميا الساعه 12 و 5 بعد نص الليل بقوم اروح لبابا الاوضه اصحيه و اقوله ان في حد بيشدني من رجلي و انا نايمه و مكنش فيه تفسير منطقي !!!! و مره سور البلكونه يولع بالسجاده الللي منشوره عليه بدون سبب مقنع !!!!! و في مره البنت طلبت تكلم اهلها و بالاخص والدتها في التليفون و ماما طلبتلها الرقم و قررت تتنصت عل المكالمه من باب الامان و لقت البنت بتقول لمامتها بالحرف ( دول ناس كويسين .. ابوس ايدك تعالي خديني من عندهم !!!! ) ماما خافت جدا و حكت لبابا لما رجع و قرروا يفتشوا شنططها .... و اول ما لمسوا السوسته اللي في اخر الشقه سمعوا البنت من اول الشقه و جت يا هويام اقسملك بالله فوق المرتبه و طايره فوق الارض و بتصوت و شعرها منكوش و عنيها سوده تماما ..... بابا حاول يكتفها و اتصل بقرايبي ييجوا و صحى جدي يقرا قران و فتح سورة البقرة و دي صوتها متغير و بتقول كلام غريب و بترفع العفش بصباع واحد مع العلم ان الخشب عندنا ديكوراما زان يعني تقييييييييييييييييييييييل جدا!!!!!!!!!!!!!!!!!! اول ما الفجر اذن هي هديت و نامت مكانها و الصبح بابا كان مرجعها لاهلها ... عرفنا بعد كده انها ملبوسه من 14 اطفال جان صغيرين ... كان اسمها وفاء ... بعد ما مشيت م البيت ماما اكتشفت ان الكاسيت اللي كانت وفاء دايما بتستخدمه مبيشتغلش غير في وجود وفاء !!!!! و عدت السنين و سيبنا البيت و مشينا غشان فضلنا حاسين ان في حاجه في البيت خصوصا بعد وفاة جدي اللي كان وجوده و قرايته للقران بشكل دائم عامل مشكله كبيره لوفاء و اللي معاها ... مطولش عليكي بس اقسم بالله دا حصل و التقارير الطبيه معايا لو عايزة تشوفيها بس و انا عندي 23 سنه عملت حادثه كبيره جالي بسببها نزيف في المخ و اول ما ابتديت اخرف في الكلام و قبل ما ادخل العمليات قالولي ان انا كنت بنادي على واحده اسمها وفاء !....
انا ك هويام استمتعت بالقصة جدا لدرجة انى سمعت صوت بيتحرك بالصاله ..... 🙄