حدث بالفعل

بصى يا ستى انا قصتى بدأت لما سافرت لجوزى السعوديه هو دكتور كان لسه معييش اطفال  وجوزى اجر لنا بيت البيت كان قريب اوى من منطقه صحراويه لدرجة انى كنت بسمع صوت  الذئاب وهى بتعوى المهم البيت كان قديم قوى وعبارة عن سبع غرف وصالتين كبار وحمامين ومطبخ كبير  اول موصلت مكنتش بحس بحاجه قوى بعدين بدأت احس وانا نايمه وجوزى مش موجود ان فيه حد بيخنقنى وبفتح عينى وابقى عايزة اصوت وانده على جوزى مكنتش بقدر خالص الى اما تفك لوحدها وبعد كده بدأ الى بيخنقنى بدأ يكتفنى من ايدى ورجلى جامد معرفش اتفك غير اما اقول بسم الله بصوت جامد بس كنت بقوم مجهده جدا من النوم وبعد كده الموضوع بقيت اسمع حاجات بتقع فى المطبخ ده غير الزباله كل اما المها القيها مكبوبه فى الارض وزى ميكون حد بيفتش فيها ده غير الباب الى كان بيتفتح عليا لوحده لدرجه كنت بكلم امى على النت فى مرة والباب اتفتح وهى شافته  وكنت ببقى قاعده على السرير والاقى الكوبايه الى على التسريحه بعيد عنى خالص يجى متر وشويه بلقيها تتحدف فيا وكان عندى مرة ضيفه دخلت اعملها قهوة ولما جيت لقتها مرعوبه وبتقولى ابقى تعاليلى انتى انا مش هاجى هنا تانى لان طول ما هى قاعده كانت سامعه حد بيصوت وكنت كل اما اخرج من البيت ارجع القيه كله دخان ولو النور قطع كنت بولع شمعه افتح المصحف اقرى قرأن بس كنت دايما احس ان فيه حد قاعد جمبى ونفسه حاسه بيه بس مكنتش بحاول ابص خالص كنت عايشه فى رعب لحد ما كلمت شيخ وقالى ان البيت قديم ومكنش فيه سكان من فترة كبيرة علشان كده عمار المكان كانوا بيحولوا يضيقونه بس علشان نسيب البيت ونمشى وفعلا سيبنا البيت وكنا كل اما نعدى عليه بليل نشوف النور والع فى بلكونه الشقه مع ان محدش سكن بعدنا خالص.....

#حدث_بالفعل ..