قصة ❤ شيزوفرنيا 👽
شيزوفرنيا
عامية
العثور علي جثة طفل مذبوح بجوار احد المصارف في احدي قري الصعيد ...
بيننا من يحب الوحده ويعشقها ، بل والأكثر انه يستمتع بها ، وأخر عاش وحيدا رغم عنه،
فصنع من الوحده حياه ، وعاش كل تفاصيلها .
حليم بنبرة حاده وعصبيه :
كنتي فين يا شرررروق مش قلتلك قبل كده متسبنيش تاني لوحدي ...؟؟
وبغضب كمل وقال..؟
انتِ عارفه اني مبحبش اكون لوحدي
وعارفه اني مبطيقش تبعدي عني حتي لو ثانيه ..!
وقرب منها وشدها بكل "قوة وحنية" وخدها في حضنه..!!
وهوه بيطبطب علي كتفها ويملس علي شعرها قالها ؟
انا طول عمري وانا وحيد وعايش لوحدي ..!!
كل حاجه كنت بعملها لوحدي ..؟؟
اكل لوحدي .!!
انام لوحدي ..!!
اضحك لوحدي ..!!
اعيط لوحدي ..!!
اتكلم لوحدي ..!!
ابويا وأمي ماتوا وانا طفل صغير وعمي خدني رباني واممممممم ..؟!
سكت شويه وكأنه افتكر حاجه أغضبته وضايقته وكمل كلامه وقال ..؟
عمري مكان لي حد يتكلم معايا ويحس بيا واحكيلوا مشاكلي وافضفض معاه ..!!
مكانش عندي ابدا حد يشاركني ضحكتي يواسيني ويطبطب علي في وقت حزني .. دايما
كنت بعيش كل تفاصيل حياتي وحيد ..!!
لحد مشوفتك وحبيتك واتجوزنا ..!!
الوحده دي شئ مؤلم اوي يا"شروق" مش عاوز اجربها تاني ..!!
حتي لو دقايق صغيره ..؟
لانها بتعدي عليا سنين كتير وانتي بعيد عني ..!!!
اوعي تبعدي وتغيبي تاني عني ..؟؟
شروق وعيونها دمعت ردت وقالت ..؟؟
انا أسفة يا حبيبببي مش هبعد تاني عنك خالص
ولا دقيقه واحده لآني انا كمان مقدرش استغني عنك ، انت كل حاجه ليا في الدنيا دي ..؟؟
ابويا واخويا وجوزي وصاحبي ...!!!
بحبك يا حليم ...!!
مد أيده علي خدودها ومسح دموعها وقالها ؟
ربنا يخليكي ليا ..!!
وضحك وقال : خلاص بقا احنا قلبناها دراما ليه كده علي اخر الليل يا شوشو شغلي التلفزيون ده يسلينا شويه قبل مننام ..!!
"ومد أيده وشغل التليفزيون "...!!
احد القنوات والمذيع قال ؟؟
العثور علي جثة طفل لم يتجاوز العاشرة من عمره بجوار مصرف في احدي القري وبه اثار تعذيب شديده ..!!؟
وتعد هذه هي الجريمة التاسعه في نفس القريه وكلها لأطفال في سن الزهور ومازال البحث جاري عن السفاح القاتل ، عديم الرحمة ، عديم الإنسانية ......؟؟
حليم : متأثرا بالخبر والحزن تملكه وقال ؟
لا اله الا الله ده تاسع طفل يلاقوه مدبوح ومرمي جنب المصرف في بلدنا ..!!
الحمد لله يا حبيبتي أننا معندناش أطفال وربنا يصبر أهاليهم يااااارب ..!!
بس مين اللي معندوش قلب ده اللي يقدر يعمل كده في طفل صغير ...؟؟
دي حاجه بشعه جدا ...!!
ربنا ينتقم منه يااااارب ..!!
شروق :وبنرة غضب قالتله :
طب يلا نام يا حليم وأطفي التليفزيون ده ..عاوزه انام .. فرحان اننا معندناش أطفال ؟؟ خد علاجك ونام يا حليم !!! نام نام ...
تاني يوم الصبح ...؟؟
صحيت من النوم مفزوع علي صوت صراخ عالي جدا فزعني وصحاني من نومي ..؟؟
ده صوت شروق ...؟؟
ببص لاقتها مرميه علي الارض وبتصرخ وتعيط وبتشاور بصباعها علي السرير جنبي وتقريبا منهارة ..؟
بصوت عالي وحالة من الهلع قلتلها :
في ايه يا شروق مالك ؟؟
من غير ما ترد علي عماله تصرخ وبصباعها شاورتلي تاني علي شئ جنبي علي السرير ...؟؟؟
بصيت جنبي علي السرير وشوفت حاجه عجيبة وغريبة ...؟؟
لقيت بنت صغيره شكلها غريب نايمه جنبي علي السرير ومليانه جروح في كل مكان في جسمها وبتبكي وتصرخ .. ؟؟
اتصدمت وسكت ثواني او دقايق مش عارف ..؟
فوقت من الصدمة نزلت من علي السرير و قربت من شروق اللي كانت لسه مصدومة وبتعيط ..!!
قولتلها بصوت مرتعش مين البنت دي ...؟؟
بصيتلي وعنيها كلها خوف وبتبعد عني وقالت معرفش صحيت لقيتها نايمة وسطينا !!
انت جبتها منين يا حليم ؟؟
انا جبتها ؟ ؟ وباستنكار واستغراب :
انا اول مره أشوفها معرفهاش يا شروق!!
قربت من البنت وانا مرعوب والبنت مرعوبه اكتر مني .. !! وقولتلها :
انتي مين وجيتي هنا ازاي ؟
جسمها كله جروح وهدومها كلها دم وبتاخد نفسها بصعوبه وبتعيط وبتترعش ومفزوعه ..؟؟
ومش بتتكلم ولا كلمه ..!!
طب دي أنس ولا جن ولا مين دي وجت عندنا هنا ازاي ..؟؟؟
قربت منها تاني وابتديت المس جسمها ؟؟
وده عشان أتأكد انها موجوده فعلا ..!!
وبني أدمه مش كائن مجهول ولا حتي يكون كل ده حلم مش حقيقي ...!!؟؟
اول ملمستها البنت صرخِت ..؟؟
حاسس بيها ..!!
فيها جروح مؤلمة جدا لأي شخص كبير مش لمجرد طفله ...!!؟؟
ابتديت اركز واستوعب الموقف اكتر وأفكر هعمل ايه وهتصرف ازاي ...؟؟؟
خرجت علي بره وكلمت صلاح (دكتور صاحبي) ساكن في نفس القرية يجي يشوفها وبعدين نشوف هنعمل ايه ...؟؟
هوه اه دكتور نفسي بس هوه الوحيد اللي اعرفه وممكن يلحقني ويجي بسرعه ويساعدني ..!!
بعد فتره مش طويله ...!؟
صلاح جه وبص علي البنت ولقي اثار تعذيب رهيبة عليها ..؟؟؟
عملها إسعافات وعالجها علي اد مقدر لانه زي مقولتلكم دكتور نفسي مش عضوي ....!!
وسألني مين دي يا حليم وايه عمل فيها كده ..؟
فكرت شويه قبل ما ارد عليه...!!؟؟
قولتله انا لاقتها قدام البيت الصبح وكانت بتعيط وجسمها في جروح فدخلتها عندي وكلمتك .. !!!لكن احنا منعرفهاش ..!!
مش عارف ليه كدبت وقولتله اننا لاقيناها قدام البيت مش علي سريرنا ووسطينا ...!!؟؟
بس ممكن اكون خوفت ميصدقناش او حتي يتهمنا اننا احنا اللي عملنا فيها كده ..!!
والغريب ان شروق برده معترضتش علي كلامي رغم اني كدبت ..!!؟؟
رد عليا وقالي ؟؟
المفروض نبلغ الشرطة لكن لو حد عرف الموضوع ده مش بعيد يتهمك انت بجرايم قتل الأطفال اللي في بلدنا اليومين دول ..!!؟؟
وانا لو معرفكش كويس كنت قلت ان انت هوه السفاح وسلمتك للشرطه ..!!!
قلتله
طب ايه العمل يا صلاح دلوقتي قولي اعمل ايه في البنت دي ..؟؟
رد وقالي ..؟
بص يا حليم انا أديت البنت حقنه مهدئه وهتفوق علي بكره الصبح هتكون حالتها احسن وممكن نعرف منها هيا بنت مين ..؟؟
ما هي اكيد من البلد ..!!
ولما نعرف هيا مين هنكلم أهلها ونقولهم انك لاقتها وهما اكيد هيفرحوا انهم لقوا بنتهم ومحدش هيشك فيك ..!!
لكن لو كلمنا الشرطه ..؟
مش بعيد يتهموك انك انت خطفتها وعملت فيها كده وهتلبس انت جرائم القتل اللي في البلد ....!!!؟
انت مسمعتش عن جرايم قتل الأطفال اللي في بلدنا اليومين دول ولا ايه ..!!؟؟؟
رديت باستنكار :
لا يا صلاح شرطة ايه بس حرام عليك..!!
يعني خيرا تعمل شرا تلقي ...!!
احنا هنخليها عندنا لحد متفوق ونعرف منها هيا بنت مين وايه عمل فيها كده ونجيب أهلها ياخدوها وكفي المؤمنين شر القتال ...!!!!
خلاص يا شروق هنخليها معانا لحد متفوق ..؟ ردت وقالت وهيا لسه خايفه ومصدومة من الموقف الغريب ده ...؟؟
ماشي يا حليم نخليها...!!
شكرًا يا صلاح وانا لما البنت تفوق هكلمك ...
صلاح مشي ..
وانا وشروق بنبص لبعض ...؟
بصات شك متبادلة ...
البت دي دخلت البيت ازاي ومين عذبها كده وحطها وسطينا علي السرير أسئلة كتير في دماغنا انا وشروق ...؟
بس ملهاش إجابات .؟؟
.علي الاقل دلوقتي ...!!
اليوم عدي والليل دخل والبنت لسه نايمة من تأثير الحقنة المهدئة..!!
وانا وشروق بقينا أهدي كتير من الصبح وتقريبا استوعبنا الموقف تماماً بس لسه الأسئلة بتداعب تفكيرنا ..!!
حليم :انا طالع انام يا شروق مش هتنامي ..؟
لا انا هتفرج ع التليفزيون شويه وبعدين هحصلك اطلع انت يا حبيبي ...!
طب متنسيش تاخدي علاجك قبل متنامي
انا هطلع انام تصبحي علي خير يا حبيبتي ...!
وابقي اطمني علي البنت قبل متنامي ..؟
ماشي يا حليم وانت من اهل الخير وخد علاجك انت كمان ..!!!
تاني يوم الصبح
صحيت من النوم ... ؟؟
شروق نايمة جنبي ..!!
شروق ..؟
يا شرووووق..؟
صحتها وقولتلها قومي يلا عشان نبص علي البنت ونطمن عليها....؟
ردت وقالت بصوت كله نوم ..؟
روح انت يا حبيبي انا تعبانه اوي ونفسي اكمل نومي ..!!
رديت وقولت ..؟
يلا بقا بطلي كسل بقينا الضهر ومسبتهاش غير لما صحيت وجت معايا ..!!
دخلنا الاوضة اللي البنت نايمه فيها نبص عليها ...؟
واتصدمنا من اللي شوفناه في الاوضة ..؟؟
كل شبر في الاوضة مليان دم ...؟؟
البنت مرمية في الارض ..؟؟
ومدبوحة وجسمها كله متقطع ..؟؟
شروق صرخت باعلي اعلي صوتها وانا واقف مصدوم مبنطقش من بشاعة المنظر .....!!؟
مين اللي عمل كده ..؟؟
مفيش حد في البيت غيري انا وهيا .؟؟
يعني لانا لهيا ....؟؟؟
يتبع
شيزوفرنيا
محمود زغلول
التعليقات على الموضوع