قصة ❤انتقام مر 📖الجزء الاول 👉

دايما كنت اسمع ان الانتقام من شخص سبللك اذى زى ما بيريحك زى ما له تمنه لكن عمرى ما سمعت ان انتقامك دا ممكن يسهل لحد الانتقام منك طبعا انتم مفهموتنيش خلينى احكيلكم من البدايه انا اسمى سامح شغال فى محل موبايلات و مكملتش تعليمى بكسب اللى يعيشنى و بس كنت دايما وقت شغلى اشوف صلاح و احمد و دول اتنين شغالين معايا فالمحل قاعدين و فاتحين ملفات خاصه على اجهزه المفروض انهم بيصلحوها مش اكتر مكنتش قادر افهم فين ضميرهم لما يشوفوا صور او محادثات خاصه ببنات او رجالة حتى يعنى ناس استأمنوهم على حاجه تخصهم اللى كان بيجننى انى لما اسألهم يقولولى يا عم بنتسلى يعنى هو احنا هنعمل ايه بيهم احنا نبقى مش تمام لو استغلينا الكلام اللى بنشوفه لكن احنا بنتسلى و خلاص مش عارف ازاى مكانوش شايفين ان انتهاك خصوصيه شخص دا ف حد ذاته شىء عادى دا كان تفكيرى لحد ما وقع ف ايدى عدة انا عارف كويس اوى صورة الخلفيه اللى محطوطه عليها للحظه واحده مترددتش انى افتح و اشوف ايه اللى جوا الموبايل دا مفيش طريقة تخليك تعرف عن شخص اكتر من انك تمسك موبايله خلينى احكيلكم عن صاحبه الموبايل دا  اسمها ياسمين ..... ياسمين تبقى جارتى من زمان تبقى حب طفولة قديم ... طبعا حب طفولة قبل ما تكسرنى بكلامها ان انا واحد مش مناسب ليها و ان طموحها اكبر منى بكتير طبعا دا مخلانيش اكرهها ابدا بالعكس انا حاولت اكون اكبر من طموحها و قررت انساها لحد ما اقدر احقق دا لكن لحظة ما شوفت صورتها عالموبايل نسيت كل حاجه يمكن حبيت اطمن عليها تانى او فضولى انى اعرف ايه الجديد فى حياتها نسانى مبادئى و الخصوصية اللى كنت بتكلم عليها فتحت حاجات كتير صور و حساباتها الشخصية كلها مكنتش ناوى افتح محادثاتها  لكن الاسم اللى هى مسجله بيه الرقم دا خلانى افتح مسجلاه حبيبي يعنى معقول فيه فحياتها حد فتحت و فهمت من الكلام انها ف علاقه معاه فعلا لكن ثوانى دى مش علاقه عاديه دى وثقت فيه ثقه عمياء عشان تبعتله صور زى دى هو مين دا عشان تثق فيه كدا قررت اكمل و اخدت رقمه و طلعت حسابه الشخصى .... ان انا اخترق حسابه دى كانت لعبة او تحدى بالنسبالى دخلت و لقيته بيكلم كمية بنات ميتخيلهاش شخص بس مهتمتش بيهم انا ركزت اكتر ف محادثاته مع صحابه قدرت اعرف عنه معلومات كتير لقيته بيكلم كتير عن البنات اللى مصاحبهم و لقيته باعت صورة لياسمين مينفعش تتبعت انا مش مصدق عنيا بقا هو دا اللى فضلتيه اه لو تعرفى حقيقته و بيقول ايه عليكى قفلت كل حاجه انا حاسس بحيره انا اقدر امسح كل حاجه بس مش همسحها دلوقت عشان تكون دليل ضده ايوا انا قررت اقول لياسمين كل حاجه هى لازم تعرف صحيح هتتصدم فالاول من الشخص اللى وثقت فيه لكن احسن ما تثق فيه اكتر و انا هكون جمبها هعرف اشيل كل الحاجات دى و هجبلها حقها و اكيد ساعتها هتقدر و تعرف اد ايه بحبها خيالى سرح فاللحظات الحلوة اللى هنقضيها سوا و ازاى هنسيها صدمتها و قررت اروح اواجهها حالا ايوا حالا انا مش هقدر استنى لحظه اخدت ف ايدى الموبايل و مش شايف ف ايدى غير صورة ياسمين
اللى اقدر اقوله انى صحيح اتصدمت ب اللى بينهم بس مكنش قد صدمتى ف رد فعلها من اللى انا بوريهولها مش دا رد الفعل اللى انا كنت متوقعه ابدا ياسمين ورتنى ايه هى الصدمه الحقيقيه.......
يتبع
انتظروا الجزء الثاني ❤❤
#انتقام_مُر